Chapter 9

“Let’s pause for a break. You’re doing a good job, Raven.” Nakangiti na bati sa akin ng direktor sa shoot namin saka nag thumbs up pa sa akin. “You may take a rest while we prepare the next set. Magpahinga ka muna at tatawagin ka na lang namin kapag kukunan na ulit ang susunod na eksena mo.”

“Thank you, direk.” Sagot ko sa kan’ya, saka naman ako agad na nagpaalam na. “Sa dressing room lang ako.”

Agad naman na lumapit sa akin si Ashley at sumenyas sa direktor, saka niya ako iginiya papunta sa kuwarto namin kung saan ako maghihintay para sa next set ko. Pagkapasok namin ay agad niya na inabot sa akin ang telepono ko habang nakanguso pa nang magsalita. “May text message ka. Gusto ko na nga sana na burahin para hindi mo na mabasa at huwag ka nang umasa na naman sa wala, but then again, I changed my mind. Reminder lang, girl, huwag magpadala sa isang text lang at sa mga kunyari na pa-sweet ng jowa mo. Huwag shu-shunga-shunga, Raven. Hindi sa lahat ng oras ay puso lagi ang pinapairal, mins