22

Mahihinang kaluskos at patak ng tubig na nagmula sa kung saan ang pumukaw sa kamalayan ni Nessa. Idinilat niya ang mga mata ngunit kagyat ding napapikit muli at nayakap ang malaking unan sa tabi niya. Ang sarap sa balat ng dampi ng malambot na unan sa kanyang balat. Mas isiniksik pa niya ang kanyang mukha sa malambot na bagay at sinamyo sa ilong ang napakaayang bango na dulot sa kanyang ilong. Gumagamit na ba siya ng fabric conditioner? The last time na naglaba siya, hindi naman. Mas gusto niya ang natural na bangong dulot ng detergent at natural na sikat ng araw.

Teka.

Hindi ito ang unan niya.

Nakapagtatakang may umaabot na animo tunog ng airconditioning unit sa kanyang tainga gayong electric fan lang naman ang meron siya sa kwarto. Plus, that smell of air freshener. Umikot ang isipan niya. Pilit niyang hinahanapan ng linaw ang mga pagtataka.

Iminulat niya ang kanyang mga mata. Napakaayang kisame at kakaibang lighting fixtures. Napabalikwas siya