21

“Bakit may pa-pizza at pa-taco?”

Natatakam na lumapit si Nessa sa mesa kung saan nakalatag ang masasarap na mga pagkain at softdrinks.

“Balut?” Nanlalaki ang mga mata niyang nakatitig sa pagkaing nasa disposable container. Walang inhibisyong tinanggal niya ang gwantes at pinalitan ng disposable gloves ang kamay. Kumuha siya ng isa at takam na kumain. “Ang sarap.”

“Ewe!” si Mikaela na nandidiri sa kinakain niya na isinawsaw pa niya sa maanghang na sukang may bawang.

“Ang sarap kaya. Teka, aga mo namang nanglibre, Miks,” in between sa pagnguya ay tanong niya sa amo. Ginawa niyang pananggalang sa malalalaglag na suka o pagkain ang kaliwang kamay sa ilalim ng baba. Sarap na sarap siya sa kinakain. 

“That’s courtesy of him.” May inginuso ito sa gawing likuran niya, sa may gawing pintuan.

Muntikan na siyang mabilaukan nang si Chad ang nakita niyang amused na pinapanood ang pananambok ng kanyang pisngi dahil sa pagnguya. Bigla siyang nak