Chapter nine

Halos pangapusan ako ng hininga ng bitiwan ni Raphael ang mga labi ko at napatingala na lang.

Nandito na kami sa higaan at nakahiga na nagulat na lang ako ng bigla akong halikan ni Raphael kaya wala na akong nagawa at tinugon na lang ang halik niya.

"Baby ayos ka lang?" Tanong ni Raphael kaya napatingin ako sa kanya.

"Ayos lang ako." Nakangiti kong turan sa kanya kaya hinalikan niya ako sa noo.

"Gusto mo mamasyal tayo bukas sa talon?" Tanong niya kaya nagulat ako ng banggitin niya ang lugar na iyon.

"Natagpuan lang namin nina Adrian kahapon ng nangangahoy kami hindi ako makapaniwala na may ganun na kagandang lugar dito sa isla." Sabi niya kaya napangiti ako iyon ang lugar sa gitna ng isla bukod pa sa batis na malapit lang dito.

Apat na beses pa lang akong nakakarating doon dahil may kalayuan iyon.

"Tulog na tayo." Niyakap na niya ako kaya pumikit na lang ako.

Kinabukasan ay maaga kaming nag-ayos ng damit na bihisan at nagbaon kami ng kanin at de-lata.

Nagdala rin ng bingwit si Raphael