KABANATA 22

" Nagugutom ako... " Mahinang sambit ni Isabella nang maramdaman ang pagkalam ng sikmura habang itinitirintas ang kaniyang buhok sa harap ng salamin sa tukador. Tinapos na muna niya hanggang dulo ang ginagawa at nilagyan ito ng panali sa buhok bago tumayo para lumabas ng kuwarto.

Naroon pa rin ang pananakit sa parte ng katawan na pinanggalingan ngunit nagagawa ng makapaglakad nang maayos ni Isabella. Isang simple at mahabang bestida ang kaniyang suot na tinernuhan ng balabal na nakasampay sa kaniyang balikat upang itago ang mga markang kagagawan ng asawa. Masyado itong marami kumpara noong una at hindi nais ni Isabella na ipaglandakan ito sa iba.

" Hala, nakita ko rin iyon kanina sa salas! Ang sweet nga nilang tignan, malayong-malayo noong unang buwan dito ng Señora. " Napatigil sa paglalakad si Isabella patungong kusina nang marinig iyon mula sa isang kasambahay. " Saka ito yata ang unang pagkakataon na nakita kong ngumiti si Señor na labas ang ngipin. Nakakatuwa, 'no? Mukhang nag