KABANATA 5

Hindi alam ni Beatrix noong araw na iyon kung saan tutungo. Hanggang ngayon kasi ay kinakabahan pa siya sa halos muntikan na pagkakita ng lalaki sa kanya noon sa hotel. Kung hindi siya tumakbo ay baka pa naabutan siya nito matapos magising.

Ngayon ay dalawa na ang problema niya. Alam niyang mayaman din ang lalaking iyon at pinapanalangin niyang hindi siya nakilala nito kun'di ay itatakwil siya ng kanyang Daddy sa pakikipagtalik sa iba gayong kasal pa siya kay Miggy. Sising-sisi siya na nagawa niya iyon. Wala na rin siyang pinagka-iba kay Miggy dahil sa nangyari. Nagkasala na rin siya at iyon ang kinakatakot niya.

Dalawang araw din siyang namalagi sa ibang hotel, nagdadalawang isip kung uuwi ba sa ancestral house nila o sa bahay nilang mag-asawa. Kung uuwi siya sa mansyon ay magagalit ang Daddy niya, pero kung uuwi siya sa bahay nilang mag-asawa ay baka nandoon pa rin ang pinsan niyang si Crystal.

Nagtagis ang mga ngipin niya. Hindi talaga niya lubos maisip na magagawa iyon ni Crystal sa kanya. Para niya na itong kapatid at tagapagtanggol pa sa Daddy niya pero ahas pala ito. Lumilingkis sa asawa niya kapag wala siya.

Huminga siya nang malalim bago marahang hinubad ang damit niya at lumusong sa bathtub. Nanginginig ang kalamnan niya sa galit at halos muling maiyak matapos magpagtantong para na rin siyang si Crystal at nagawang makipagtalik sa ibang lalaki.

Pumikit siya nang mariin upang iwaksi ang naisip ngunit tila nananadya ang utak niya at sariwa niyang naaalala kung paano siya romansahin ng lalaki at kung paano siya umindayog sa tiyan nito. Bumigat ang paghinga niya na tila naririnig ang sarili niyang umuungol sa bawat galaw at haplos nito. Naipagdikit niya ang mga hita sa sensasyong naramdaman. Hanggang ngayon ay ang lakas ng epekto ng lalaking iyon at iyon ang kinaiinis niya!

Para siyang naging alipin sa init na naramdaman mula rito na hindi kayang pantayan ni Miggy. Ni hindi sumagi ang katawan ni Miggy sa isip niya at ang lalaki sa hotel ang nanatili sa kanyang isipan.

Napamulat siya at naikuyom ang mga kamao matapos may matanto. Baka kaya nagawang mangaliwa ni Miggy ay dahil hindi nga sila compatible sa kama. Kung siya nga ay nasiyahan sa isang estranghero, maaaring ganoon din si Miggy kay Crystal. Pero hindi! Mali pa rin ang lahat at gusto niyang itama kung may tsansa pa.

Napakurap siya matapos marinig ang pagtunog ng kanyang cellphone kung kaya't dali-dali niyang kinuha ang roba at bumalik sa tapat ng kama. Nanginig ang kamay niya matapos makitang ang Ate Isabella niya ang tumatawag at alam niyang nag-aalala na ito.

"Bea! My gosh! Nasaan ka ba? Bakit hindi ka pa rin pumapasok sa kumpanya? Galit na si Daddy at binigay na lahat ng meeting sa mga investors kay Crystal," litanya nito.

Sa lahat ng sinabi nito ay pangalan lang ni Crystal ang nanatili sa tenga niya.

"Bunso, ayokong itakwil ka nila Daddy kaya please lang, pumasok ka na sa kumpanya—"

"Nasa hotel ako, Ate," mahinang bigkas niya.

"Ano?! Paanong—" hindi nito naituloy ang sasabihin matapos kumawala ang mahinang hikbi sa kanyang mga labi.

Wala naman siyang balak na magsumbong pero hindi niya mapigilan ang umiyak ngayon narinig ang boses ng Ate niya. Kakampi niya ito pero natatakot siyang magsabi.

Dinig niyang huminga ito nang malalim mula sa kabilang linya, "Umuwi ka na, Bea. Hindi ko na gusto ang nangyayari," matatag nitong bilin bago namatay ang linya.

Wala siyang nagawa kun'di bumagsak sa kama at humikbi. Mas lalo pa siyang napaiyak matapos makita sa salamin ang kissed mark sa leeg niya na maaaring gawa ng estranghero. Mas lalo siyang nanlumo at pilit iyong tinakpan ng make-up bago nag-check out sa hotel at nagtungo sa bahay nilang mag-asawa. Umaasa siyang maaari pang isalba ang pagsasama nila at kalimutan na lang ang bawat kasalanan nila.

Pagdating naman doon ay bumabalik amg galit niya sa kanyang asawa at pinsan. Kung hindi lang siya nagkasala at nakipagtalik ay hindi niya babalaking ayusin ito.

Sa gate pa lang ay tanaw na niya si Crystal na suot na naman ang roba niya at hindi siya tanga para hindi isiping kababangon lang nito mula sa kama. Kinastigo niya ang sariling galit at pilit kalmadong pumasok sa loob. Hindi siya pwedeng mawalan ng karapatan sa bahay niya. Kanya iyon at hindi niya papayagang mapunta lang sa pinsan at asawa niya.

Agad na pumasok si Crystal at noong muling lumabas ay nakalingkis na sa asawa niya. Ahas talaga. Baka hindi lang asawa niya ang inahas nito kun'di maging mga magulang niya.

"Good thing that you are here, Bea," panimula ni Miggy na nakapagpataas ng kanyang kilay.

Nawala na ang kagustuhan niyang makipag-ayos at nasusuklam na lamang.

Nilahad niya ang palad at tamad itong tiningnan, "Pakibalik ng susi, Miggy. I believe you don't belong here anymore."

Dinig niyang suminghap si Crystal at kita niyang nanlisik ang mga mata ni Miggy. Alam naman niyang wala na itong ibang mauuwian bukod sa bahay nila. Depende na lang kung kupkupin ni Crystal pero tiyak siyang hindi papayag ang Tiya Madel niya dahil ayaw nito sa eskandalo.

"Susi, Miggy, susi," pag-uulit niya ngunit imbis na susi ay papeles ang nilapag nito sa palad niya.

"Pakibasa muna iyan bago mo kunin ang susi," nangingising anito.

Nawala ang katarayan niya at nangunot ang noo. Ngunit halos pagbagsakan siya ng langit at lupa matapos mabasang annulment papers iyon at tanging pirma na lamang niya ang kulang.

"Sign it, Beatrix, then leave. Wala ka ng asawang uuwian dito dahil pag-aari ko na," ani Crystal na nagpakulo ng dugo niya.

Mahigpit niyang hinawakan ang papeles at gusto na lamang na punitin ang mga iyon sa sobrang sakit ng loob niya.

"Annulment papers? Really, Miggy?" sarkastikong bigkas niya.

Wala talaga itong konsensya kahit siya pa ang nagpakain at nagbihis dito. Tinuring niya pang hari ang g*go!

"Yes. Pirma mo na lang ang kulang, Bea. Sign it," nakangising bigkas nito.

Ngunit nawala ang atensyon niya roon matapos makarinig ng ilang sigaw.

"Archie! Man, calm down! Biro lang iyon!" sigaw ng isang lalaki.

Natigilan siya dahil tila pamilyar ang boses at mas lalo na ang tinawag nitong pangalan. Pagbaling niya sa likod ay kita niya ang lalaking may matipunong bulto na papasakay sa isang itim na Mercedes-Benz. Tingin niya ay naramdaman nito ang titig niya kahit malayo pa kung kaya't napabaling ito sa kanya.

"Archie?" mahina niyang bulong sa sarili matapos matanaw ang lalaki.