Naningkit ang mga mata ni Beatrix habang tinatanaw ang lalaki sa malayo. Bigla ay gusto niya itong takbuhin upang mas malinaw na makita ang itsura. Pamilyar ang bulto nito pero alam niyang hindi pa niya nakikita ang lalaki. Pero gusto niya itong makilala ngayon.
Akmang maglalakad siya patungo roon matapos makitang sumakay na ito ng sasakyan. Ngunit naantala ang paghakbang niya noong maramdaman ang mahigpit na hawak sa kanyang siko.
"Where do you think you're going, Bea? Pirmahan mo na para matapos na ang lahat sa atin," ani Miggy na mariin na tinititigan ang dalaga.
Mahinang tumawa si Bea at muling binalingan ang asawa—ang dating asawa. Para sa kanya ay hiwalay na sila kahit walang annulment. Ngumisi siya at kunwaring binasa muli ang papel.
Humihigpit ang hawak niya roon sa bawat martilyong pumupukpok sa puso niya. Wala na talaga ang binuo niyang pag-ibig at balak na pamilya. Naglaho ang pangarap niyang manatiling Mrs. Sandoval.
"Here's the ballpen. Pirmahan mo na, Be."
"Don't call me be!" asik niya kay Crystal at tinitigan lang ang inaabot nitong ballpen.
Tingin ba nila ay tanga siya para basta na lang pumirma? Hindi niya hahayaang maging masaya sila kung kaya't mas ngumisi siya at ginawang pamaypay ang papeles bago nilahad muli ang kanyang palad.
"Susi, Miggy," inip niyang hingi.
"Pirma muna bago susi—"
"I*****k mo sa baga mo iyang susi! Kahit manigas ka pa riyan, hindi ako pipirma at hindi ko hahayaang maging malaya kayong dalawa!" nanggagalaiting sigaw niya bago mabilis na tumalikod.
Tuloy-tuloy ang lakad niya patungo sa kanyang sasakyan kahit pa rinig niya ang atungal ni Crystal at pagtawag sa kanya ni Miggy.
Galit niyang hinitsa sa backseat ang mga papel at pinagana ang sasakyan kahit pa kita niyang hinabol siya ni Miggy.
Kumatok ito sa tapat niyang bintana, "Bea, please! Huwag na nating pahirapan pa ang sarili natin! Hayaan mo na akong maging masaya!"
Humigpit ang hawak niya sa manibela at alam niyang ano mang oras ay babagsak muli ang mga luha niya. Ngayon niya kinukwestiyon ang sarili kung marami ba siyang pagkukulang gayong alam niyang naibigay niya lahat-lahat.
"Bea, please lang. Pakawalan mo na ako. Let me be happy and in peace—"
Napailing siya. Agad na binaba ang bintana at pinakitaan ito ng gitnang daliri.
"Tabi kung ayaw mong ma-rest in peace!" sigaw niya at walang pakialam na minaneho ang sasakyan kahit pa hindi pa tumatabi si Miggy.
Akala nga niya ay magpapasaga ito pero hinila rin naman ni Crystal palayo.
Nanginginig ang kamay niyang nakahawak sa manibela habang nananakit ang lalamunan sa badyang pag-iyak.
"Para sumaya siya? Paano naman ako?" tanong niya sa sarili.
"Arghh!" malakas niyang sigaw at hinampas ang manibela.
Wala na siyang pakialam kahit ma-aksidente pa siya ngayon. Pero nakarating pa rin siya ng ligtas sa kanilang ancestral house. Bitbit ang annulment papers ay lakad-takbo siyang pumasok sa loob habang walang ampat ang kanyang pagluha. Patakbo siyang tumungo sa kanyang kwarto at sumubsob sa kama. Doon niya binuhos ang galit, hinanakit, at sakit. Maghapon siyang umiiyak at kung hindi pa pumasok sa kwarto ang Ate Isabella niya ay hindi niya mamamalayang gabi na.
"Bea! What happened?!" tarantang tanong nito habang pilit siyang binabangon.
Inaninag niya ito sa mga namamagang mga mata. Nakasuot pa ito ng pang-opisina kaya't alam niyang nakauwi na maging ang kanilang mga magulang.
"A-te," Garalgal ang kanyang boses at muli lamang naiyak.
"Si Miggy na naman ba?"
Hindi siya tumango at nanginginig lang na inabot sa Ate niya ang annulment papers.
Malutong itong nagmura at alam niyang nagpupuyos ito sa galit kagaya niya.
"Walanghiyang Miggy! Ginamit ka lang at ngayong mas nagagalit si Daddy sa'yo ay lumipat ng putahe!" gigil niyang sigaw.
Namewang ito habang siya ay nagyuko lamang.
"Argh! Nanggigigil ako, Bea! Gusto kong sakalin iyang asawa mo!"
Pag-angat niya ng tingin ay nanginginig nga ito sa galit. Pero imbis na pigilan ito kagaya rati ay tahimik lamang siyang umiyak. Hindi na niya maipagtanggol si Miggy.
"Babawiin natin ang bahay mo—"
"BEA!" dumadagundong na sigaw ng kanyang daddy at rinig nila ang mga mabibigat at nagmadaling yabag nito patungo sa kanyang kwarto.
Pareho silang natulos ng kanyang ate, napalunok, at nagkatinginan. Ngayon ay alam niyang hindi siya nito maipagtatangol.
Malakas na bumukas ang pinto at niluwa niyon ang galit na galit na Daddy niya. Namumula ang mukha nito at nanginginig ang mga labi kung kaya't wala sa loob na napababa siya sa kama at napatayo ng tuwid. Sa likod nito ay ang Mommy niya na alam niyang galit rin.
"Where have you been?! Talaga bang pabaya ka at walang pakialam kahit bumagsak ang kumpanya?!" ani ng kanyang Daddy na humakbang palapit sa kanya.
Hindi siya makabigkas ng salita at hindi makapagsabi. Alam niyang lalala ang galit nito kung malaman ang totoo. At halos manginig siya sa kaba matapos nitong makita at agawin sa kamay ng ate niya ang annulment papers.
"Nakikipaghiwalay ang asawa mo?" may diing tanong nito.
Nahigit niya ang hininga at walang magawa kun'di tumango.
Bumakas ang labis na galit rito at mariin niyang ipinikit ang mga mata matapos makitng umangat ang kamay nito at balak siyang sampalin.
"Daddy!"
"Joseph!"
Magkapanabay na sigaw ng kanyang Ate at Mommy.
"Kumalma ka, Joseph. Huwag mong sasaktan ang anak mo!" sigaw ng Mommy niya.
Napamulat siya ng mata para lamang makitang nasa ere na ang palad nito at talagang balak siyang pagbuhatan ng kamay. Bumagsak ang luha sa pisngi niya at daig pa ang sakit niyon sa pakikipaghiwalay ni Miggy. Hindi niya lubos maisip na kaya talaga siyang saktan ng kanyang Daddy.
Nanginginig nitong binaba ang palad matapos matitigan ang mga mata niya at pagluha.
"Ganyan ang napapala ng mga suwahil na anak at nag-asawa ng tambay sa kanto," mariing bigkas nito bago dismayadong umiling.
"Fix yourself. You disappointed me again, Beatrix. You are such a disappointment," anitong tinulak pa ang kanyang noo gamit ang hintuturo.
Napabagsak siya sa sahig at mas naluha. Nanginginig na kumuyom ang kanyang mga kamao.
"Hindi ka na nagbago, Bea. Isa ka pa ring malaking disappointment hanggang ngayon," huling bigkas nito bago lumabas ng kwarto ngunit ang lahat ng iyon ay sumiksik sa utak at puso niya kasabay ng muling pagbagsak ng kanyang mga luha.
Dinamdam niya ang lahat ng iyon. Sa tanang buhay niya ay hindi niya maalala kung kailan ba natuwa ang Daddy niya sa kanya. Personal man o sa negosyo, lagi itong galit."Disappointment?" tanong niya sa sarili.Siguro nga ay nakakadismaya ang pagpapakasal niya ng maaga tapos ay ang asawa pa niya ang nanghihingi ng hiwalayan.Bumuntong hininga siya at nilagyan ng nude lipstick ang mga labi bago hinagilap ang kanyang handbag. Sakto iyon sa pagbukas ng pinto at iluwa ang Ate niya.Tumikhim ito, "Gusto ko sanang malaman kung sinong babae ni Miggy. Pinapatanong ni Daddy."Sandali siyang natigilan. Gusto niya sanang sabihin agad ngunit baka mas kampihan nila si Crystal."Trust me, Bunso. Galit si Daddy sa'yo pero hindi niya palalampasin ang ginawa ni Miggy," hikayat nito.Muli siyang bumuntong hinga, "Si Crystal, Ate," balewalang bigkas niya.Tila tanggap na niyang hindi anghel ang pinsan niya."What?" litong tanong nito.Kumibit balikat siya at inangkla ang braso sa kapatid, "Kung ayaw mong
Daig pa ni Levi ang nanalo sa loto sa nadiskubre. Kanina pa lang sa pintuhan ng restaurant ay nakuha na ni Beatrix Del Rosario ang atensyon niya. Nagtataka siya kung bakit ito naroon sa lugar ng meeting nila. Malayo pa lang ay nagnanakaw na siya ng tingin sa taglay nitong pino at ganda. Ang ash blonde nitong buhok ay may buhay habang ang kutis ay kumikinang.Nang makalapit ay mas namangha siya sa istura nito. Bagay ang malalantik nitong pilikmata sa cute nitong ilong at labing nagkorteng puso. Ang liit ng mukha nito ay kaya lamang yatang sakupin ng kanyang palad. Dumako ang tingin niya sa katawan nito, at paniguradong maliit lang ito kapag nasa ilalim na niya.Nakagat niya ang labi sa naisip. Hindi niya inasahan ang ganitong reaksyon ng katawan niya sa dalaga. Tila hinihila ang katawan niya na maidikit rito kung kaya't mas humakbang siya palapit. Mahina pa siyang natawa matapos nitong sampalin nang mahina ang mga pisngi na para bang ginigising ang sarili.Ngunit mas namangha siyang ma
"Saan ka pa ba pupunta, Bea? Bumalik ka na sa kumpanya kung ayaw mong magalit si Daddy," may gigil na utos ng Ate niya mula sa kabilang linya ngunit wala roon ang atensyon niya kun'di na kay Levi Alcantara.Kanina pa gustong kumulo ng dugo niya sa lalaki. Napakahambog nito at napakayabang. Akala yata nito ay pinapantasya niya pagkatapos makita ang larawan sa cellphone. May bilin pang play dirty, play dirty ang loko."Bea! Ano na?!" sigaw ng Ate niya.Huminga siya nang malalim at sinundan ng tingin ang papalabas na bulto ng lalaki kasama ang dalawang investors nito. Kailangan niyang sumunod doon dahil wala siyang masasabing report sa Daddy niya. Ang layo ng mesa at ang presensya ng lalaki ay hindi nakatulong sa focus niya, lalo na ang mga sulyap-sulyap nito."Sandali lang ako, Ate. Extended yata meeting nila, susundan ko lang."Umungol ito ng pagtanggi, "Huwag na. Baka mapahamak ka pa! Umuwi ka na ng maaga. May dinner tayo sa mansyon."Pagpatay ng tawag ay mapait siyang ngumiti. Dati r
Imbis na lumayo ay mas diniin ni Levi ang mga labi sa dalaga. Ang balak niya ay itago lamang ang itsura nito ngunit hindi niya maintindihan ang sarili kung bakit niya ito hinalikan. Sa pagpikit ng mga mata niya ay naging pamilyar ang mga labi nito matapos gumuhit ang isang pangyayari sa hotel. Alam niyang ngayon niya pa lang nahalikan ang dalaga kaya't imposibleng ito ang babae sa hotel. Isa pa, hindi ito agresibo, hindi kagaya ng babaeng sa hotel.Mas lalo niya rin itong hinapit matapos maramdaman ang pagtulak nito. Mas mabuti na ang ganitong paraan kaysa mahila ng mga investor niya ang dalaga. Kanina pa niya ito sinusundan ng tingin at alam niyang kanina pa rin ito minamatyag ni Mr. White at Mr. Wilson."Mr. Alcantara," dinig niyang tawag sa kanya ni Mr. Wilson.Napapikit siya nang mariin at pinakawalan ang mga labi nito. Ngunit agad niya ring sinubsob nang marahan ang mukha nito sa kanyang dibdib upang hindi makilala. Mahigpit niya itong niyakap at sinuguradong hindi malalaglag ang
Muling pinunasan ni Beatrix ang kanyang mga labi bago pumasok sa kanilang mansyon. Natatakot siyang may naiwang bakas ang isang Alcantara sa kanyang katawan at ikagalit iyon ng kanyang Daddy. Ngunit nagtaka siya matapos makitang maliwanag pa ang mansyon kahit dis-oras na ng gabi. Sa ganitong oras ay dapat tulog na ang lahat.Tinangay siya ng kanyang mga paa patungo sa kusina para lamang magulat matapos makitang nandoon pa rin ang pamilya niya at tila hinihintay siya."Wala kang ideya kung saan nagpunta si Bea?" malamig na tanong ng kanyang Mommy sa kanyang Ate na umiling lang."Joseph, baka bukas na umuwi iyon. Kumain na lang tayo. Malamig na ang lahat ng ito," baling nito sa kanyang Daddy.Napatigil siya sa paghakbang at natulala sa maraming pagkain. Binugso siya ng kaba at panghihinayang."Did you have fun?" biglaang tanong ng kanyang Daddy bago siya nito binalingan ng tingin.Napakurap siya habang napasinghap naman ang kanyang Mommy."Saan ka ba galing na bata ka?! Hindi mo man lan
Ilang beses ding naulit ang ganoong panaginip kay Beatrix bago ang event. Nasanay na siya na sumasagi sa isipan niya si Levi Alcantara kapalit ng lalaking nakasiping niya. Ngunit hindi ibig sabihin niyon ay gusto niya si Levi. Wala lang siyang choice dahil makulit ang utak niya."Behave, Bea. Maraming pwedeng kuning investors doon. Huwag mong hayaang makuha lahat ng mga Alcantara, kun'di, babagsak tayo nang tuluyan," habilin sa kanya ng kanyang Ate Isabella.Tumango na lamang siya bago bumaba, naabutan niya pa ang Mommy at Daddy niya na papaalis at ni hindi siya tinapunan ng tingin. Piniga ang puso niya dahil doon ngunit hinayaan na lamang niya. Alam niyang lalambot din muli ang mga puso nila sa kanya, hindi nga lang iyon.Sa biyahe ay nag-isip na siya kung paano lalapit sa mga target investors nila. Kailangan may makuha siya kahit isa para naman matuwa ang Daddy niya. Mahirap ang gusto nila lalo pa't papabagsak na ang kumpanya nila.Sa bungad pa lang ay hinanda na niya ang ngiti mata
Hindi mapakali si Beatrix sa nalaman. Napaka-impossibleng ipagbili iyon ng Daddy niya kaya't sino ang mangangahas na ibenta ang kumpanya nila?Mariin siyang pumikit matapos sumigid ang sakit sa ulo niya kaka-isip. Nasa-event pa rin siya ngunit hindi na siya makapag-pokus sa paghahanap ng investors. Ginugulo siya ng kaalamang nabili ni Levi Alcantara ang kumpanya."Argh, this is fucking frustrating!" madiing usal niya bago nagmulat ng mga mata at mabilis na kinuha ang long purse niya.Pagkatayo ay napatigil din siya matapos makitang halos maglupong ang mga businessman sa paligid ng mga Alcantara. Napatitig pa siya kung paano makiusap at tumawa si Levi sa lahat habang ang Lolo nito ay humahalakhak sa tuwa.Gumuhit ang mapait na ngiti sa kanyang mga labi. Ano bang ginagawa niya pa sa event na ito? Mukhang nahuli na lahat ng mga Alcantara ang mga isda. Imbis na manatili sa event ay mas pinili na lamang niyang magpunta sa opisina upang ipaalam ang nalaman niya.Nadatnan niyang nagkatutuwaa
"Hindi kami sa bar nagkita, Vin. Sa convenience store iyon, G*go!" mura niya dahil maling mensahe ang naipadala nito sa babaeng hinahanap niya."Hindi naman ako sigurado kung sa kanya nga ang numero. Kapag may lumapit sa'yo na babae... siya na iyon." Ngumisi ito bago sumimsim sa alak."Vin, lahat ng babae lumalapit kay Archie. Isa pa, maraming bar sa mundo. Walang kasiguraduhan iyang plano mo," ani Joselito na may katotohanan naman.Sumasakit ang ulo ni Levi sa dalawang kaibigan. Hanggang ngayon ay hindi pa niya nahahanap ang babae at hanggang ngayon ay hindi pa siya nakakapag-ehersisyo sa gabi. Sa tuwing babalakin niya ay sumasagi sa isipan niya ang babae sa hotel o di kaya ay ang dalagang Del Rosario."Kalimutan mo na lang, Archie. Bakit ka ba kasi naghahabol sa isang one-night stand? Hindi mo naman gawain iyan," komento ni Vin.Humigpit ang hawak niya sa shot glass bago umikot ang tingin niya sa buong bar. Tama naman ang kaibigan niya. Hindi dapat siya naghahabol ng babae dahil siy