Chapter 36

"May problema ka ba, anak?" tanong ni mama sa kalagitnaan ng panunuod namin. Nandito kami sa sala at gaya ng kinaugalian namin ay tinatapos namin ang gabi sa panunuod ng mga teledrama.

Nilingon ko sila ni Drei na nakatingin na sa akin. Ibinalik ko ang atensyon sa TV.

"Okay lang naman ako, 'ma. Bakit niyo naman iyan natanong?"

"Napapansin kasi namin nitong mga nakaraang linggo na tahimik ka. Kung minsan ay malayo ang mga tanaw mo at natulala ka. May hindi ba magandang nangyari sa inyong paaralan bago ang bakasyon niyo?" puno ng pag-iingat niyang tanong.

Si Drei ay tahimik lang na nanunuod pero alam kong nakikinig siya sa usapan namin.

Tatlong linggo na simula noong bakasyon, simula noong huli naming pagkikita ni Dark.

Tanggap ko na ang mga nangyari. May nararamdaman man akong kaunting galit sa mga panloloko ni Dark pero matagal ko na iyong tinangggap.

Ang mahirap ay ang makalimot. Na sa kabila ng lahat ay naiisip ko pa rin siya minu-minuto at oras-oras. Lagi kong naiisip ang mga mag