Chapter 35

Dahil tanghali na ay sobrang ingay ng bulong palengke. Malaki at malawak ang market na ito. Madami ring mga klase ng paninda at kumpleto na talaga ang mga kailangan na bilihin ng mga mamimili dito.

Kung may ganito lang talaga malapit sa apartment ko ay mas gugustuhin ko na sa mga lugar na ito ako mag-grocery kaysa sa mall. Bukod kasi sa hindi na fresh ang mga nandoon ay sobrang mamahal pa. Dito ay fresh na nga, makakatipid ka pa dahil pwede ang mga tingi-tingi.

Katulad ng sinabi ni Manong ay tinanggal at iniwan ko ang singsing sa aking kwarto. May punto naman kasi siya lalo na at agaw pansin ito. Hindi man ito katulad ng mga kalye sa Manila pero mabuti pa rin iyong nag-iingat.

Tiningnan ko ang mahabang listahan na ibinigay ni Manong Henry. Sobrang dami ng bibilhin. Nagtataka talaga ako kung bakit walang laman ang ref kanina eh kahapon lang ay puno pa ito. Pati ang tira kong ice cream ay nawala na.

Sa haba ng listahan ay mukhang matatagalan ako dito sa palengke. Hindi na ako aabot sa