Chapter 19

AGAD na bumangon sa kinahihigaan niyang kama si Taphney nang marinig at makumpirmang umalis na ang kotseng kinasasakyan ni Ashton. Nag-abala pa talaga siyang mag-alarm para lang magising nang maaga at masimulan ang oplan seventh birthday party para sa pinsan ni Lucifer na si ay joke! Hindi niya muna pala tatawagin na pinsan ni Lucifer si Ashton dahil nga birthday ngayon ng binata. Hahayaan niya munang tawagin ito sa pangalan nitong Ashton hangga’t hindi pa natatapos ang araw na ito.

Patayo pa lamang si Taphney sa kama nang bigla siyang makarinig ng mga katok sa kanyang pinto. Agad na nabaling rito ang kanyang paningin.

“Miss Taphney... gising na po ba kayo? Nakaalis na po si Sir Ashton-”

“Gising na ako Manang Martha! Good morning by the way!” masayang bati ng dalaga nang mabilis niyang buksan ang pinto at bumungad sa kanya ang mayordoma. Halata ang pagkagulat sa matanda na isang tipid na ngiti na lamang ang isinagot sa kanya. Agad namang nakunsensya si Taphney at nag-aalalang lumapit