Chapter 31- FAMILIAR FEELING

MAGTATAKIP silim na nang dumating sila Leopold sa bahay-ampunan na nais puntahan ni Andrea.

Isang oras lang naman talaga ang layo noon mula sa restaurant niya pero inabot sila ng matinding traffic kaya umabot sila ng tatlong oras sa kalsada.

Idagdag pa na namili ng mga damit at laruan ang dalaga para sa mga batang naroroon.

Caretaker ng ampunan ang nag bukas ng gate upang maipasok nila ang sasakyan. Nang maigarahe ito sa pinaka entrada ng malaking bahay ampunan ay bumaba na rin sila mula rito.

Napahanga si Leopold sa istrukturang mayroon ang bahay-ampunan. Ayon kay Andrea ay pagmamay-ari daw ito ng isang 'Don' noong panahon ng mga kastila at ipina-renovate upang gawing ampunan noong matapos ang ikalawang digmaang pandaigdig.

Mahahalata sa ampunan ang matagal na panahong pamamalagi na nito sa kalupaan ngunit nagawa pa ring panatilihing maganda at matibay ito ng mga kasalukuyang namamahala rito.

Kapansin-pansin din ang nag gagandahang mga bulak