Chapter 59- CHOOSING HAPPINESS

PAKIRAMDAM ni Andrea ay nasasakal siya sa ginagawang pag uusap ng mga magulang ni Damian at ng kaniyang ama at lolo patungkol sa nalalapit na nilang kasal.

Pumayag man siya ay mabigat pa rin sa kalooban ni Andrea ito. Hindi rin maitatatwa na hanggang ng mga oras na iyon ay inookupa pa rin ni Leopold ang buong isipan ng dalaga.

Nag aalala pa rin kasi siya sa lalaki dahil batid niya na labis na apektado pa rin ito sa pagkawala ni Raymund.

“Hello… earth to Andrea?”

Kaagad na napatigil sa paglipad ang kaniyang isipan nang tapikin siya ni Damian sa balikat. Magkatabi kasi sila nito sa upuan habang nasa harap naman nila ang mga matatanda.

“W-what?”

“Itinatanong ng mommy kung gaano raw ba kalaking wedding cake ang gusto mo,” wika ni Damian.

Nalipat naman sa nakangiting si Mrs. Enriquez ang tingin ni Andrea. Alanganin siyang ngumiti rito dahil mukhang kanina pa ito naghihintay ng kasagutan mula sa kaniya.

“A-ah