CHAPTER 11

“I THINK that’s a good idea, bes,” sabi ko kay Lailani at ngumiti ako. “Um, sige Kalo! Siguro ay pupuntahan ko na lang ang kuya mo sa talyer.”

“Sige po! Mag-iingat po kayo, miss byutipol.”

“Ako, hindi ba byutipol?” tanong ni Lailani bago pa ako makatalikod.

Ngumiti naman si Kalo at napakamot sa batok nito. “Maganda ka rin po! Pero... Mas maganda po si miss byutipol!” Sumulyap ito sa akin at mas lalong ngumiti.

Napasimangot naman si Lailani. “Bes, huwag mo na kayang bayaran ang bills nila rito? Nakakainis ang batang ito! Hindi man lang marunong tumingin sa maganda!”

Natawa na lamang ako nang pagak dahil sa naging hitsura ni Lailani. Grabe naman ang babaeng ito! Pati ba naman ang bata patulan?

“Huwag mo na patulan si Kalo, Lai! Let’s go,” sabi ko na lang. “Bye, Kalo!”

“Ingat po kayo, miss byutipol!”

“Byutipols! May S sa dulo kasi dalawa kami,” sabi pa nito saka tumalikod at umagapay na sa akin sa paglalakad.

“Pinatulan mo pa ang bata,” sabi ko habang tinatahak na naman ang pasilyo pap