Chapter 08 - She Has the Guts

Bella Schist

Diretso lang siyang naglakad at hindi napansin ang presensya ko. Nagtatampong tinawag ko siya. “Kuya Azrael!” Sigaw ko rito.

“Haha Little Sis, ikaw pala. Anong ginagawa mo rito? Hindi ka naman dito nagtatrabaho. Bored ka na ba sa agency niyo kaya ka sumasideline o nagpunta dito as a representative?” Nakangiting tugon nito.

Napatalon akong yumakap sa kaniya ng mahigpit. Napangiwi naman si kuya sa inasta ko. Halatang napilitan ang mga ngitian niya nang mapatingin sa dalawang boss namin habang pilit na kumakawala sa yakap ko. Pwes kuya, wala akong pake sa kanila!

Matagal-tagal ko na rin siyang hindi nakikita dahil kahit may salu-salo ang pamilya ay hindi siya umuuwi. Subsob siya sa trabaho at kahit nasa malapit lang ay parang nasa kabilang lupalop siya ng daigdig. Palagi niyang tinatanggihan ang alok ng mga magulang namin kapag may kasiyahan at tuwing umuuwi siya ng bahay ay wala siyang imik.

“What?” Bulalas ni Sir Lance. “Did I just heard it right?” Dagdag na tanong pa niya