Chapter 36: Here In Front

"Kapag g-um-raduate ka na, dito ka na pumasok. Ire-reffer kita sa main branch sa Quezon City kung gusto mo roon."

Napangiti ako sa sinabi ng manager namin. Napakamot ako sa likod ng tainga.

"Uhm... balak ko sanang magtayo na ng negosyo after ko maka-graduate."

"Uy! Maganda 'yan! Anong negosyo?"

"Uh, hardware shop."

"Talaga? Malaking puhunan kailangan diyan. Paano ka naman kukuha ng capital mo?"

Nagkibit-balikat ako.

"Bahala na."

Matagal ko nang naisip iyon. Malaki na ang naipon ko mula sa club. Nakapagpundar na nga ako ng simpleng bahay sa BF, nakabili ng sasakyan, natutustusan ang pag-aaral namin ni Angge at nabubuhay ang pamilya. Masarap pala sa pakiramdam kapag walang utang. Hindi napupunta sa iba ang pinaghihirapang pera. Kaya ang next kong goal ay makapagpatayo naman ng Hardware Shop kahit maliit lang muna.

"Maganda kung magtrabaho ka muna kahit tatlong taon lang para makapag-ipon ka," opinyon niya habang nakatayo lang sa tabi at pinapanood akong mag-ayos ng sasakyan.