Chapter Sixty Six

TAHIMIK lamang si Katarina habang naglalakad silang tatlo. Magpahanggang sa mga sandaling iyon ay binabalot pa rin ng kilabot ang buong katauhan niya. Kung may tama pa siya ng alak sa mga sandaling iyon. Tiyak niyang natabunan na lahat ng iyon ngayon.

Aminado siya, walang awa na pumapatay ang asawa niya. Ngunit ang papatay ito ng taong wala naman kasalanan dito. Ibang usapan na iyon para sa kaniya.

"Are you alright Kat?" tanong ni Ruiz.

Tumango naman siya. Nakarating naman sila sa loob ng mansiyon ng maayos. Kahit ganoon pa man ay hindi pa rin naiibsan niyon ang nadarama niya.

"Ang mabuti pa 'y umupo ka muna. Mukhang mahihimatay ka sa itsura mo ngayon," nag-aalalang sabi naman ni Ruiz na iginiya siya sa isang pang-isahan na sofa sa may living area.

Habang si Ramil naman ay pinakuha naman nito ng tubig na maiinom niya.

"Ano sa tingin mo ang dapat na maging reaction ko sa nakita ko. G-gayong may pinatay siya a-at kakilala ko rin ang taong pinaslang ng a-asawa ko." May bahid ng takot sa