Chapter Sixty Eight

KATULAD nang kagustuhan ni Luis ay nanatili sa loob ng mansiyon sa Isla Demorette si Katarina. Kahit na aligaga sa buong maghapon na naghihintay lamang siya ay pinagtuunan na lang niya ng pansin ang ibang mga bagay. Muli ay nakialam siya sa pagluluto ni Manang Seselia sa kusina. Baka kasi maisipan na umuwi ng gabing iyon ng asawa niya ay madulutan niya ito ng masarap na dinner. Ngunit sumapit na ang gabi ay hindi ito dumating. Mabuti na lamang at naroon si Claims may nakasama siya sa lamesa. Hindi ito pinahatid kay Ramil sa school, dahil ayon na rin sa ipinag-utos ni Luis.

Kasalukuyan siyang nakatapat sa harap ng monitor ng laptop na gamit niya nang pumasok si Claims. Nakasuot na ito ng damit pantulog. Habang hawak-hawak nito ang paboritong stuff toy na bear na ibinigay ng Tito Ruiz nito. Magmula ng maging okay sila ay bumawi talaga ito sa kaniya. Maging pati sa anak niya rin.

Kapag nasa mansiyon siya at hindi niya kayang dumalo man lang sa mga meetings ng company nila. Doon siya nakik