Chapter 16

"Nagpaputol ka?!" Tanong ni Margeaux kay Rana na ngayon ay maiksi na ang buhok. Dati ay hanggang bewang ang buhok ng dalaga, ngayon ay hanggang balikat na lang.

"Ang init kasi," dahilan niya sa kaibigan. Napatingin naman sa kanila si Keisha na mukhang may malalim na namang iniisip. Alam nilang miss na nito si Blaze.

"Mainit ba talaga?" ani Margeaux sa kaniya. Tumango lang sa kaniya si Rana at tumingin ulit sila kay Keisha na ngayon ay tahimik lang. Suot nito ang isang singsing na ngayon lang nila nakita.

"Sino nagbigay?" Tanong ni Rana sa kaniya. Napatingin sa kanila si Keisha na mukhang natauhan dahil sa tanong na iyon.

"Binigay ni Cohen sa akin last month."

"Huh?" Gulat na tanong ni Rana. Napakunot din ng noo si Margeaux nang marinig iyon.

"So, ibig sabihin? Magpapakasal na kayo?"

"Ano? You agreed?" Tanong din ni Margeaux sa kaniya. Kumunot ang noo ni Keisha sa naging reaksiyon ng dalawang kaibigan sa kaniya.

"Huh?! Alam mo rin ang tungkol dito, Mar? Bakit 'di ko alam na may hidden