CHAPTER 4

"Oo Lyn, kilalang-kilala ko yung tiyahin mo, madalas ko siyang nakikita sa court, kasama niya yung mga kabarkada niya, halos lahat nalang yata ng tao dito kaaway yun eh, napaka m*****a kasi". kwento nito sa kanya.

"Opo Ate Mina, gabi-gabi pong wala yun sa bahay, tapos kapag nasa bahay naman, ang gugulo ng mga barkada niya, sa amin po sila lagi nagiinom, tapos kapag lasing siya, binugbog niya po ako kahit wala naman po akong ginagawang masama". sumbong nito.

"Hayaan mo Iha, kapag nakuha natin yung Medico Legal mo sa Ospital, magpapatulong tayo kay Kap para samahan niya tayo para sampahan ng Child Abuse yung Tiyahin mo, sobra yang ginawa niya sayo Iha". Pangako nito sa kanya.

"Salamat po Ate Mina" tugon nito, natuwa si Lyn nang narinig ito, naisip niya na mabuti na rin ito para matigil na ang kahayupan ng kanyang tiyahin, ngunit nangangamba pa din ito sa mga maaring mangyari sa kanya, natatakot ito sa kung ano ang sasabihin sa kanya ng kanyang tiyahin kapag nagkita sila.

Nang nagtungo si Ate Mina at Lyn sa Ospital ay sumama rin sa kanila si Kapitan at ibang pang myembro ng Sanguniang Barangay dito sinabi ni Ate Mina ang lahat ng mga sumbong ng bata.

Pagkarating sa Ospital ay dumiretso sila sa Emergency Room, dumaan si Lyn sa ibat ibang test ng ospital para masiguro ang kanyang kalusugan.

"Dok ano pong lagay ng Bata?" tanong ni Kap.

" Sa ngayon po Kap, marami kaming mga nakitang pasa sa kanyang katawan dahil po sa pambugbog sa kanya, may mga nakita rin po tayong sugat sa kanyang bibig at bungi sa kanyang ngipin dahil raw po ito sa paghambalos sa kanya ng lampaso, napakababa rin po ng kanyang timbang na indikasyon po ng malnutrisyon hindi rin daw po kasi siya pinapakain ng maayos. Habang hinihintay pa pa po natin yung resulta ng laboratory at x-ray niya ay maipapayo lang po namin Kap na manatili po muna dito si Lyn para ma-monitor po natin yung kalusugan niya, bibigyan din po natin siya ng mga gamot at bitamina para mabilis po siyang maka-recover. Advise ko din po na ipakunsulta po natin siya sa isang Psychiatrist para matulungan din po ang bata sa trauma na nangyari sa kanya". Tugon ng Doktor

Nan-liit naman si Kapitan at kanyang mga kasama ng narinig ang mga sinabi ng Doktor. "Napaka Demonyo talaga ng babaeng yun, paano niya nagawa ito sa isang bata, walang kasing hayop!.

"Mga kasama, samahan niyo ako, pupunta tayo ng Munisipyo para makapag sampa na agad ng kaso sa Prosecutor's Office, hindi dapat siya makaalis".

Nang narinig ito ng mga kasama ni Kapitan ay mabilis itong kumilos para umalis, naiwan naman si Ate Mina sa ospital para samahan siya.

Habang nasa biyahe sila Kapitan papunta sa munisipyo ay tinawagan niya rin ang Chief ng kanila tanod upang mabantayan ang bahay na tinitirhan ni nila Lyn at Tiyang Tess. "Chief, paki bantayan ng maigi yung bahay ni Tess, sabihan mo kami kaagad kung dumating na siya sa bahay niya, kailangan hindi siya makaalis, magpupunta kami ngayon sa Munisipyo para maisuplong natin ang babaeng yan".

"Sige po Kap, babantayan po namin at tsaka babalitaan din po namin kayo kaagad kapag dumating na po si Tess". Sagot nito kay Kapitan.

Pagdating sa Munisipyo dumiretso na ito sa Prosecutor's Office at i-prinisinta ang mga ibidensya nitong dala. Nag abiso naman ang Prosecutor na tutulungan nito sila Kapitan na mapabilis ang pag proseso ng warrant of arrest dahil sa hindi birong ginawa sa musmos na Lyn.

Habang wala sila Kapitan ay mabuti namang binabantayan ni Ate Mina si Lyn. Mahimbing ang tulog nito at nakapag pahinga ng maayos. Habang, kapag naalipungatan ito ay bigla nalang magsasalita ng "Tulong, tulong, hindi ko na po kaya" sabay tulo ng luha pagkatapos ay babalik ulit sa pagkahimbing.

Awang-awa si Ate Mina sa sitwasyon ng Bata, naisip niya na kapag gumaling ito ay gusto niya na siya nalang ang mag-alaga kahit na may tatlo na rin itong anak na lalaki. Yun nga lang, nagdadalawang isip rin ito dahil hirap din sila buhay, hindi rin kasi sapat ang kanyang sahod sa barangay para sa knilang pang araw-araw. Pero desidido talaga siya na kausapin si Kapitan na kapag nakalabas ito ng ospital ay siya muna ang mag-alaga rito dahil gusto niya ring magkaroon ng anak na babae.

"