Lost and Loved

"Lyn ang tanga tanga mo talagang bata ka! diba sabi ko sayo labhan mo yung panty ko? Eh bakit hanggang ngayon marumi pa din?" sigaw ni Tyang Tess na kanyang malditang tiyahin.

"Pasensya na po Tyang, natagalan po kasi ako sa paglampaso nitong sahig, ang dami po kasing suka ng mga kainuman niyo kagabi" natatakot na sagot ni Lyn sa kanyang tiyahin.

"Aba sumasagot ka pang bata ka!" galit na sigaw ni Tyang Tess sabay hablot sa hawak nitong pang lampaso at dagling hinambalos ito sa kanyang mukha. Natumba si Lyn sa sobrang lakas ng pagkakahambalos, dumugo agad ang kanyang bibig at halos mawalan na ito ng malay. Nang nakita nitong muli siyang hahambalusin ay pinilit nitong iharang ang kanyang mga kamay sa kanyang mukha, "Tyang tama na po, tama na po, hindi na po mauulit" pagmamakaawang sambit nito sa kanyang tyahin.

Ngunit hindi nagpatinag si Tyang Tess, hindi nito pinakinggan ang pagmamakaawa ni Lyn. Mas naging mapusok pa siya, hinawakan niya ang buhok nito at biglang sinabunutan. "Aray ko po tyang, tama na po" iyak na pagmamakaawa ni Lyn. Ngunit si Tyang Tess ay patuloy pa din sa pagwasiwas ng kanyang buhok, halos makalbo na ito at mukhang nag eenjoy pa sa ginagawa nito sa kanya. "Bagay lang sa iyo itong bata ka! Manang mana ka talaga sa nanay mong tanga at malandi, Kung hindi lang sana nilandi ng nanay mo si Greg, kami sana ang nagkatuluyan hindi sana naging miserable ang buhay ko" inis na sabi ni Tyang Tess habang hinahatak papunta sa kulungan ng baboy sabay tulak sa kanal na puno ng burak, dumi at tae ng baboy.

Si Lyn nama'y habang nasa kanal ay sobrang hinang-hina na, halos hindi na niya magalaw ang kanyang mga kamay at paa. Puno na rin ng burak ang kanyang buong katawan at amoy na amoy ang mabahong tae. Gusto na niyang masuka ngunit ayaw ng mag react ng kanyang katawan. Gusto na niyang makaalis sa sitwasyong iyon dahil hindi na niya kaya. Unti-unti siyang gumapang paalis ng Kanal. Ngunit ilang hakbang pa lamang na nakakalayo siya sa kanal, ay nakita na siya ni Tyang Tess.

"At sinong nagsabi sayo na umalis ka dun?" Galit nito sa kanya sabay kurot sa kanyang tagiliran, Napasigaw ito sa sobrang sakit "Tyang Aray ko po! Tama na po Tyang hindi ko na po kaya" nagmamakaawang iyak nito.

Hindi pa pala ito tapos sa pagpapahirap sa kanya, dito na kumuha si Tyang Tess ng pagkaing baboy at pilit na binubuka sa kanyang bibig, pilit na isinisik nito ang pagkaing baboy sa kanyang lalamunan. Ilang beses itong dumuwal dahil parang nagagasgas ang kanyang lalamunan. Walang magawa si Lyn sa sitwasyon na iyon dahil sobrang hinang hina na siya. sumasabay pa mabahong amoy sa kanyang buong katawan. Hindi pa nakuntento ang kanyang tyahin at pinagsasampal pa ito ng ilang ulit.

"Sinusumpa ko Lyn, hanggang nasa poder kita, hinding hindi ka magiging masaya, sayo ko ipaparamadam ang sakit na ginawa sa akin ng mga magulang mo" sambit nito habang patuloy na pasampal nito sa kanyang mukha.

Tumigil lamang si Tyang Tess nang narinig nito ang pagtunog ng kanyang cellphone. "Hello ate Ana, buti napatawag ka?" mahinahon na sagot nito habang pinandidilatan si Lyn.

"Ah eh, Tess gusto ko lang kumustahin kayo ni Lyn kung okey lang ba kayo?" tugon ng tumawag.

"Ate wag kang mag alala okey lang naman kami ng anak mong Lyn, wala kasi siya dito ngayon, may siya sa skwelahan nila" malumanay na sabi nito. "

"Pasensya ka na Tess ah, ikaw lang kasi talaga aasahan ko, hindi pa kasi ako makauwi para kunin si Lyn, wala kasing mag aasikaso sa mga negosyo ni Greg" pagmamakaawa nito.

"Okey lang po ate, naiintindihan ko po, ingat po kayo diyan ah" pagkakaplastic na sagot ng malditang Tess.

"Ah, okey pala, maraming salamat Tess ha sa pag aalaga mo sa anak ko, mayroon pala akong pinadalang 200k sa bank account mo, yung 150k para sa panggastos niyo sa bahay at allowance ni Lyn para naman sa pag-school niya, yung natitira sayo na yun ah, salamat". masayang sabi nito.

"salamat po ate, basta huwag ka pong mag alala at nasa maayos pong lagay si Lyn, hindi ko po siya pababayaan, bye" tugon nito sabay patay ng cellphone. Mabilis naman itong umalis upang magbihis at umalis papuntang bangko.

Nang nakaalis na si Tyang Tessie ay naiwan pa ding duguan si Lyn sa Kanal ng Kulungan ng Baboy. Hindi na ito makagalaw at nangangatal na sa ginaw. Hindi nagtagal ay nawalan ito ng malay.