KABANATA 3

Napahawak sa dibdib si Elizabeth, ang kabog ng kaniyang dibdib ay hindi niya masukat sa sobrang bilis.

'Tama ba ang desisyon ko? ----- Para naman ito kay AZ," ani kaniyang isip.

Nag lakad na siya palayo sa lugar na iyon, tulala habang tinatahak palabas ang magulong baryo na iyon.

Samantala, ng makaalis si Elizabeth, sinugurado ni Maydel na wala na ito sa labas ng kanilang tirahan.

Nag mamadali itong lumapit sa kaniyang asawa, "si Elizabeth ang mag papayaman sa atin, Rolando." Masayang saad nito, labis ang kasiyahan ang bumalot sa kaniyang mukha.

"Bilisan mo, tawagan mo na ang pinaka mayaman na pwedeng bumili kay Elizabeth," ani Rolando, hindi ito makapaghintay sa paparating na kayamanan sa kanilang pamilya.

Mabilis na nilabas ni Maydel ang kaniyang telepono, dinial ang numero ng mayamang lalaki na nakilala niya noon sa isang night bar.

Sinabi nito sa kaniya na kapag mayroon magandang babae siyang maibebenta'y bibilin niya.

Nasasabik na binuksan ni Maydel ang speaker ng telepono upang marinig din ng kaniyang asawa ang magandang balita.

Nag ring ang kabilang linya, tatlo, lima hanggang anim na ring bago sumagot ang kanilang pag bebentahan sa dalaga.

[hello, sino ito?] Malamig na tanong nito pagkasagot ng tawaga.

"Hello, ito po ba si Mr. David Salazar?" Maingat na tanong ni Maydel sa kabilang linya.

Katahimikan ang bumalot sa kanila, tila nag iisip ang kanilang tinawagan kung sasagot ito sa tanong nila.

[Yes, speaking,] mabilis na naibuga ni Maydel ang pinipigil na hininga ng marinig itong sumagot sa kaniyang tanong.

"Mr. Salazar, si Maydel ito. Ang pinahahanapan ninyo ng magandang babae," malambing na turan niya sa kabilang linya.

[Maydel?] Sandaling natigilan si David, iniisip maigi kung ano ang tinutukoy ng babaeng kausap.

[Ah, tama iyong babae sa bar. Bakit? Mayroon ka na bang maio-offer?] Seryosong tanong nito sa kaniya.

"Mayron na po, Mr. Salazar, sariwang sariwa." Maligayang balita ni maydel sa kausap.

Narinig nilang nag salita ito sa kabilang linya ngunit hindi nila iyon maintindihan, tila tinakpan nito ang telepono upang hindi nila marinig ang usapan sa kabilang linya.

[How much? Name your price,] seryoso na saad nito.

Nag katinginan si Maydel at Rolando sa narinig, para silang nanalo sa lotto sa tanong na iyon ni David, tinakpan din nila ang telepono't nag usap kung magkano nila ibebenta si Elizabeth.

"Ano sa tingin mo? Dalawampung libo?" Seryosong tanong ni Rolando, binatukan naman siya ng malakas ni Maydel dahil sa presyo na sinabi ng kaniyang asawa.

"Tanga ka ba? Dalawampung libo? Anong akala mo kay Elizabeth laruan? Napaka mura naman ng presyo mo!" Galit na turan ni Maydel, tsaka muling tinanggal ang kamay na nakatakip sa telepono.

"Hello, Mr. Salazar." paninigurado niya kung nasa kabilang linya pa ba ang lalaki.

[Yes, how much?] Seryosong tanong muli nito.

Humugot ng malalim na hininga si Maydel at mabilis na pinakawalan ang kaniyang hininga bago muling mag salita.

"Isang milyon, Mr. Salazar. Isang milyo kapalit ng isang magandang dilag." Nakangiting turan ni Maydel sa kaniyang kausap.

Sandaling namayani ang katahimikan sa pagitan nilang dalawa, kinakabahan kung papayag ba ito sa presyo na kanilang hinihiling.

[Okay, kapag nasiyahan ang Boss ko. Gagawin ko pa itong Limang milyon,]

Nabigla ang mag asawa sa narinig, masayang masaya sila. Limang milyo kapalit ni Elizabeth, hindi na masama para sa kanila.

"T-Talaga po? Sige, hindi po kayo mag sisisi Mr. Salazar,bukas na bukas din. Imemessage ko na lang po sainyo kung saan," nakangiting saad niya sa kausap.

[Sa Joe's Hotel na lang, bukas ng gabi.] Napaisip siya, mamahaling hotel iyon isa iyon sa mga sikat at kilalang Hotel sa Luzon.

"Sige, Mr. Salazar," pag payag niya dahil sigurado siyang wala siyang babayaran sa hotel na iyon.

Mabilis na binaba ni Maydel ang tawag at nag tatalon sa tuwa.

"Biruin mo iyon? Limang milyon, Rolando. Yayaman na tayo," bulalas ni Maydel sa asawa.

Miski si Rolando'y hindi makapaniwala sa narinig, ganon ganon lang magkakaroon na sila ng pera. "Tama ka, hulog ng langit ang pamangkin ko." Natatawang turan ni Rolando.

---

Bumalik sa ospital si Elizabeth, nailipat na kasi sa pampublikong silid ang kaniyang kapatid. Gusto niyang tignan kung ayos lang ba si AZ.

Pag pasok niya sa silid, madami din mga pasyente doon na kagaya ng kaniyang kapatid may mga tumor din ang kasama nito.

Hinanap niya ang kama ng kaniyang kapatid, nasa dulo yon ng silid. Umupo siya sa tabi ng kama nito.

Pinag mamasdan niya ang natutulog na kapatid, sabi ng doktor ay nag papahinga na si AZ. Kanina nagising at hinanap siya, ngayon naman ay tulog na ito.

Hinwakan niya ang kamay ng kapatid, "AZ, gagawa ng paraan si Ate para gumaling ka. Hindi papayag si Ate na mawala ka sakin," umiiyak na saad niya sa natutulog niyang kapatid.

Naramdaman niyang nag vibrate ang kaniyang telepono, tinignan niya kung sino ang nag iwan ng mensahe sa kaniya.

Napakunot ang kaniyang noo ng makitang unknown number yon.

Binuksan niya ang isang mensahe, nang mabasa niya, alam na agad ni Elizabeth kung kanino galing ang mensahe na yon.

[Galingan mo bukas, kapag natuwa daw saiyo ang customer mo gagawin niyang dalawampung libo ang bayad saiyo,]

Muling napatingin si Elizabeth sa kapatid, handa siyang ibenta ang sariling katawan manatili lang buhay ang kapatid niya.