Chapter 10

Adam...

IBINAGSAK ni Sanya pasara yung pinto ng kotse ko pagkalabas niya pero hindi ko na lang siya sinita, iba yung pinapakita niya ngayon, ito na ba yung mas madilim na side ng pagkatao niya?

"Oh andito na pala kayo," bati sa amin ng Mommy niya pagkapasok namin ng pintuan, ni hindi man lang humalik si Sanya sa pisngi ng Mommy niya at nagtuloy-tuloy lang siya sa pagpasok. Dati ko pa napapansin na malamig ang pakikitungo niya sa mga magulang niya lalong-lalo na sa Daddy niya pero iniisip ko na lang noon na baka tungkol sa pagpapakasal namin yun pero hanggang ngayon ganun pa rin siya sa kanila kaya ano bang problema?

"Hi Mom," bati ko sabay halik sa pisngi ng Mommy ni Sanya. "Si Dad po?"

Ngumiti siya sa akin. "Nasa taas, kagagaling lang din kasi noon sa trabaho at sinabihan ko lang na maaga umuwi para mag-dinner kasama kayo."

"Trabaho? Seriously Mom?" tumaas ang kilay ni Sanya sa Mommy niya.

"Sanya," may tono ng pagbabanta yung boses ng Mommy niya nung tawagin yung pangalan niya, umirap