Chapter 11

Adam...

NAPATAYO agad ako ng tumunog ang alarm ng cellphone ko. Kailangan ko ng mag-asikaso sa pagpasok sa school. It's Wednesday, sa pagkakaalam ko pangtanghali ang pasok ni Sanya ngayon. Matapos ko ng makapag-almusal at maghanda sa pagpasok ay sinilip ko muna siya sa kwarto. Kitang-kita ko na himbing pa rin siyang natutulog kaya isinara ko na lang ang pintuan.

Hindi ako masyadong naka-focus sa lesson dahil nga kulang pa ako sa tulog pero nung dumating yung lunch hindi ko alam kung bakit para akong hindi mapakali. "Hindi ka pa kakain?" narinig kong tanong ni Seid kaya umiling na lang ako.

"Hindi pa ako nagugutom, maya-maya na. Saglit lang ah."