Chapter 1

Before the Engagement Party]

"Zhanea, ano sa tingin mo ang pwedeng i-gift ko kay Gabriel? Bukas na kasi yong third year anniversary namin." tanong ni Andrea kay Zhanea habang nagtutupi ito ng damit.

Palihim namang napairap si Zhanea.

"Ano ba mga bagay na favorite ni Gabriel? Sa tagal nyo di mo pa alam kong anong ireregalo sa kanya. Ano ba yan!"

Natawa lang naman si Andrea.

Sanay na rin naman kasi siya sa ugali ng kapatid. Hindi sila ganon ka close na dalawa dati pero nong tumagal ay naging close din naman sila sa isat-isa.

Namatay kasi ang ina ni Andrea ng pinanganak siya kaya naman after seven years ay naka pag asawa ulit ang kanyang ama.

May anak din ito sa pagka dalaga at ito nga si Zhanea. Halos mag kasing age lang silang dalawa. Sampung taon si Andrea ng kinuha siya ng ama nya sa kanyang lola na yumaon na din.

Kaya naman simula nun ay na kasama nya na ang kanyang step sister na si Zhanea.

Si Zhanea, Andrea at Gabriel ay magkakasama simula noong sampung taon pa lang sila. Sa katagalan ay nagkamabutihan si Gabriel at Andrea at naging legal ito sa mga kanya-kanyang parents ng bawat isa.

Magkaibang matalik din kasi ang ama ni Andrea at ang ama ni Gabriel.

"May naiisip naman na ako kaya lang baka meron na rin nun si Gabriel."

May kaya kasi ang pamilya ni Gabriel sa kanilang lugar. May business kasi ang ama nito at binabalak pa nga ng ama ni Gabriel na tumakbo na Mayor sa darating na election.

"Hmm.. bahala ka na nga! Na stress ako mag-isip! Hindi naman ako kasama sa relasyon nyo sinasama mo pa ako sa problema mo."

Umalis si Zhanea sa kanilang bahay at balak nitong pumunta kila Gabriel.

Matagal ng may lihim na pag tingin si Zhanea kay Gabriel pero hindi siya gusto ng binata. Sa halip ay si Andrea ang gusto nito.

Hindi din naman nag balak si Zhanea na sabihin ang nararamdaman sa binata.

Sa may gate pa lang siya ng bahay nila Gabriel ay naririnig nya na ang tawanan ng kanyang ama at ang ama ni Gabriel. Nandon din si Gabriel na nakikitawa din sa dalawang matanda.

"May sasabihin po pala ako uncle Anton." natigil naman ang pagtawanan ng mga ito.

"Ano naman yon Hijo?" tanong ng ama ni Andrea na si Anton.

Malapit na si Zhanea ng mapahinto siya sa paglalakad ng marinig ang sinabi ni Gabriel na nagpatigil ng mundo nya.

"Balak ko pong mag propose na kay Andrea. Gusto ko na po siyang pakasalan. Siya lang po yong babaeng nakikita ko na makakasama ko habang buhay. Nasa tamang edad na rin po kami ni Andrea, humihingi po ako sa inyo ng pirmiso uncle Anton."

Naramdaman na lang ni Zhanea ang pag patak ng luha nya sa pisngi. Sobrang nasaktan siya sa narinig. Hindi nya akalain na aabot sa kasalan ang dalawa. Matagal nya ng hinihiling na sana ay mag hiwalay na mga ito pero umabot pa nga ng tatlong taon.

"Aba, ikaw pa malakas ka 'ata sa akin. Pero ito lang sinasabi ko sayo hindi ko naman hawak ang desisyon ng anak ko. Sa huli siya pa rin ang mag de-desisyon kong papayag ba siya makasal sayo."

Hindi na pinakinggan pa ni Zhanea ang mga narinig. Lumayo na ito sa mga ito mas lalo kasing sumakit ang dibdib nya sa mga naririnig.

'Hindi ako papayag na makasal kayo!'

Tanging nasambit ni Zhanea..

"Zhanea!" sigaw mula sa likod ni Zhanea.

Agad pinunasan ni Zhanea ang luha. Si Gabriel ang tumawag sa kanya.

"Sabi ko na nga ba ikaw eh." tumigil ito saglit sa pag salita ng mapansin ang namumulang mata ni Zhanea. "Anong nangyare sayo? Okay ka lang ba?"

Agad umiwas ng tingin si Zhanea.

"May kailangan ka?"

"Oo sana." nahihiyang sagot ni Gabriel habang napapakamot pa ito sa ulo. "Gusto ko sana na tulungan mo ako mag handa para sa anniversary namin ng kapatid mo."

Lumapit sa kanya si Gabriel at bumulong na mas lalong nagpalakas ng tibok ng puso ng dalaga.

"Gusto ko na siya pakasalan." masayang sabi ni Gabriel.

"Talaga?" pinilit ni Zhanea na maging masigla ang boses nya.

"Oo, gusto ko sana matulungan mo ako sa venue ng anniversary namin. Don ko kasi balak mag propose."

"Oo naman. Ikaw pa ba malakas ka kaya sa akin. Mabuti na lang talaga nakapagtsaga sa ugali mo si Andrea." pagbibiro ni Zhanea kahit sa loob nya masakit na.

"Kaya nga, eh. Basta siya lang yong babaeng gusto kong makasama."

Kumirot ang dibdib ni Zhanea ng makita ang pag kinang ng mga mata ng binata.

"Kong doon na lang kaya sa Hotel na pinagtratrabuhan ko yong venue." suggest ni Zhanea.

"Oo nga no? Mas maganda don isasabay din kasi ni papa ang birthday party ko. One day lang din naman kasi ang pagitan ng annivesary namin ni Andrea and nong birthday ko."

"Oo nga pala. Ako ng bahala sa venue 'wag kang mag-aalala."

"Thank you, Zhanea. The best ka talaga bestfriend."

Hindi napigilan ni Zhanea na mapangiwi sa tinuran nito. Hindi din naman ito na pansin ni Gabriel sa sobrang saya.

"Mauna na muna ako Zhanea, pipili pa kasi ako ng ring na babagay kay Andrea."

"Sige."

Tinap pa ni Gabriel ang ulo nya before ito umalis.

Nanghina ang mga tuhod ni Zhanea at napasalampak na lamang ito sa buhanginan.

"Bakit?"

Tumulo ang luha nya..

"Anong meron kay Andrea na wala ako Gabriel? Bakit siya? Bakit hindi na lang ako? Ikaw na lang ang meron ako kukunin nya pa!"

Tumayo si Zhanea sa pagkakasalampak. Kong kanina ay umiiyak ito ngayon ay makikita sa mga mata nito ang galit. Pinunasan nito ang mga luha at nagmadali na pumunta sa hotel kong saan siya nagt-trabaho.

Pagdating sa hotel ay gumawa ng costing si Zhanea sa lahat ng gagastusin para sa preparation.

'Hindi ako papayag na sa iba ka mapunta Gabriel!'

May sumilip na maliit na ngiti sa labi ni Zhanea na nagbabadya ng hindi magandang gagawin.

Pinasa ni Zhanea sa email ni Gabriel ang ginawa nya.

Ilang oras lang din ay nag reply si Gabriel sa email ni Zhanea at nag agree sa proposal ng dalaga.