Chapter 15: Jealousy

George's POV:

Pasado alas onse na nang makauwi ako galing sa bar na pagmamay-ari ng pinsan kong si Arthur. Sa tuwing pagod galing opisina ay doon ako dumudiritso. Pinagbuksan naman agad ako ng gate ng mga gwardiya. Nakapagtatakang bukas pa ang ilaw sa may sala ng mansiyon. Hindi ko natatandaang may pagkakataon na nakalimutan itong isara ng mga kasambahay. "Then, baka ito ang una," sagot ng isang bahagi ng isip ko.

Binuksan ko ang front door gamit ang duplicate key. Mayroon akong susi nito upang hindi makaistorbo kapag late na akong umuuwi. Kahit may mga gwardiya ay nakaugalian na ng mga magulang ko, lalo na noong nabubuhay pa ang mommy na i-lock lahat ng mga pinto at bintana ng mansiyon. Pinihit ko ang seradora at dahan-dahang binuksan ang pinto. Nagtaka ako nang may maaninag na tao sa single sofa. Agad ko itong nilapitan upang tingnan kung sino.

"Elizabeth?" Nagsalubong ang mga kilay ko nang makilala ito. Tinapik ko nang bahagya ang balikat nito hangga