XLII

ANIMO'Y GALING SI SHEN sa napakasikip na tren paglabas ng elevator. Pigil niya ang hiningang nilingon ang boss saka kiming kumaway rito nang pasara na ang elevator. Doon lamang siya nakahinga ng maluwag nang wala na sa paningin niya ang lalaki. Kahit malamig sa buong hallway ay napapaypay pa rin siya sa sarili. Kahit kailan talaga ay hindi na siya magiging kampante kapag nasa malapit si Sir Ace. Pakiramdam niya ay aatakihin siya sa puso. Paano na lang mamaya sa dinner nila? Nahihinuha niyang hindi siya makakakain ng maayos tulad noong inaya siya nitong magkape at kumain ng dinner.

And most of all, it's a date! A date!

Humugot siya ng malalim na buntonghininga. Mabuti nga at napilit niya itong hindi na siya ihatid sa department nila. Kung nagkataon ay magiging pulutan na naman sila ng mga tsismosa niyang katrabaho.

Nagmadali na rin siyang maglakad pabal