Chapter 16: Even A Phoenix Falls  

Maingat na hinugasan ni Lazaro ang baso bago ito pinuno ng malamig na tubig. Tahimik niya itong inilapag sa harap ni Amber, saka naupo sa kabilang upuan, seryoso ang ekspresyon, parang may lecture na naman siyang ihahanda.

“Hindi ko alam kung maswerte ka ba o malas,” panimula niya habang pinapahinga ang mga braso sa mesa. “Kung tutuusin, maswerte ka, tatlong beses ka nang napunta rito ngayong linggo, at buhay ka pa rin. Pero kung iisipin, malas ka rin, kada habulan, kami ang sumasalo sa mga umahabol sa’yo.”

Tahimik lang si Amber, pinagmamasdan ang patak ng hamog sa baso.

Umayos ng upo si Lazaro at pinatong ang dalawang kamay sa batok, parang relax na relax. “Alam mo, para ka na talagang mascot ng grupo namin. Sa mga nakakakilala sa’yo, alam nilang malas ka. Pero ‘yung mga hindi? Akala nila ginagamit mo lang ang pagiging dating magkaklase natin para sa koneksyon.”

Hindi na nakapigil si Amber. “Lazaro, alam mo ba kung bakit ayoko sa’yo?”

Napataas ang kilay nito. “Bakit?”

“Kasi ‘yung muk