LAB— 2

Halos hindi ako nakatulog, pakiramdam ko ay lumulutang ako. Ang saya-saya ko at hindi pa din ako makapaniwala sa mga nangyari. Ang hiniling ko lang naman ay magustuhan ako ni Jacob, pero higit pa doon ang binigay ng tadhana. Pakakasalan niya ako.

Maaga akong bumangon upang makapaghanda. Pupunta ngayon sina Jacob para pag-usapan ang gaganapin naming kasal.

Nagsuot ako ng pants at tshirt. Hindi ako makapag-dress dahil pumuputok ang bilbil ko. Alangan naman na magsuot ako ng maternity dress, e di, magmumukha lang akong malaki lalo.

Naglagay ako ng polbo at liptint. Hindi na ako nag-make up dahil mangangati lang ang mukha ko. Baka mag-break out na naman ako. Wala ng space sa aking mukha ang mga tagyawat. Labi at mata ko na lang ata ang hindi tinutubuan ng tagyawat. Maganda naman ako, e. Nang bata ako. Kaso habang lumalaki ako, literal na lumalaki ako dahil padagdag nang padagdag ang aking timbang. Tapos mula nang magkaroon ako hindi na din ako nawawalan ng tagyawat.

"Good morning, Nanay Sion," bati ko sa matandang katiwala namin. Siya na ang tumayo kong ina, dahil namatay ang mommy ko nang ipanganak niya ako. Hindi na din nag-asawa si Daddy. Pinili niyang alagaan ako at palaguin ang mga business niya. Single mother si Nanay Sion. At kasama niya na ding tumira dito sa bahay ang kaibigan kong si Cora. Sabay kaming lumaki, para na kaming magkapatid. Siya lang ang kaibigan na mayroon ako.

Gising na din si Cora. Naghahanda siya ng almusal namin. Sabay-sabay kaming kumain nina Daddy. Masaya si Daddy ngayon, pero hindi niya kayang itago sa akin ang kaba na nararamdaman niya.

Niyakap ko siya. "Huwag kang mag-alala, Daddy. Dito naman kami titira ni Jacob after the wedding, e."

"May bahay si Jacob at mas malapit iyon sa trabaho niya, Anak."

"Mami-miss kita, daddy." Tumawa siya at ginulo ang buhok ko.

"Masanay ka na, Anak. Hindi naman habang buhay na narito ang daddy. Masaya ako na lalagay ka na sa tahimik."

Bigla ko tuloy naisip ang bagay na gumugulo sa aking isipan mula pa kagabi. Bakit biglang nagpropose si Jacob? Did something happened that I didn't know?

Nag-tea kami ni Daddy sa kaniyang study room. At doon ko naisipang itanong sa kaniya ang nasa isipan ko.

"Dad, pinagkasundo niyo ba kami ni Jacob?"

Napaubo si Daddy. "Nakita mo na ba ang isang property natin na 'to, Anak?"

"Daddy?" Taas kilay ko siyang tiningnan.

Tumikhim siya at nakangiti akong pinagmasdan. "He likes you and he ask me your hand for marriage. I know that you likes him, so..." Nagkibit balikat siya. "You're at the right age to get married. Hindi na ako mag-aalala kapag nawala ako sa mundo."

"Daddy! Don't say that. Mabubuhay ka pa ng mahaba. Hanggang 100 years old." Tumawa siya.

"I hope so. Gusto kong makita pa ang mga apo ko. Gusto kong mag-alaga ng mga apo.. damihan niyo ang anak niyo, huh."

"Grabe naman ang damihan."

"Kayang-kaya niyo naman silang palakihin ng maayos. Kahit ilan pa iyan."

Kasal. Tapos ngayon anak. Hindi pa nagsi-sink in sa aking utak ang lahat. Hindi ko nga alam kung gusto na ni Jacob na magkaanak kami. At ilang anak naman kaya ang gusto niya?

Dumating sina Jacob ng lunch time. May meeting pa daw kasi siya kanina kaya lunch na sila nakapunta.

Nagplano kami ng tungkol sa kasal. Gusto ni Daddy na enggrandeng church wedding, but Jacob wants a beach wedding at pili lang ang imbitado. Iyong mga kamag-anak lang namin. Gusto ko din iyon, dahil wala naman akong mga kaibigan. Magandang ikasal sa sunset. Ito ang idea ni Jacob. Ngayon ko lang nalaman na romantic pala siya. Seryoso kasi siyang tao. Nagkaroon naman siya ng mga girlfriends pero parang hindi siya sweet sa mga ito. O siguro hindi lang siya seryosong sa kanila noon. I'm a lucky bitch.

Two weeks lang ang preparation namin, bago ang kasal. Kinikilig ako dahil parang nagmamadali na si Jacob na ikasal kami.

"Bukas, sasamahan kita na magsukat ng dress," sabi ng kaniyang mommy na magiging mother in law ko na soon.

"Sige po, T-Tita," nahihiya kong sambit.

"Mommy, hija." Namumula ang pisngi ko dahil sa hiya.

"Oh, siya mauna na kami. Sunduin na lang kita bukas dito."

"Sige po, M-Mommy." Sumama din sa kanila sa pag-alis si Jacob. May meeting daw ulit ito. Gusto ko pa man din sana siyang makausap. Pero di bale na nga lang, sa oras na ikasal na kami araw-araw na kaming magkasama. At magkatabi pa kami sa pagtulog.

Impit akong napatili sa kilig.

"Grabe naman iyan! Ano'ng iniisip mo, huh?" Tukso sa akin ni Cora.

"W-Wala."

"Ikaw talaga. Aalis pala ako. Bibili ako ng regalo para kay Nanay.".

"Gusto mong samahan kita?"

"Hindi na. Kaya ko na 'to, saka di ba, may gagawin ka pa na work?"

"Oo nga pala. Pero sure ka na hindi kita samahan? Puwede ko namang gawin iyong trabaho ko mamayang gabi."

"Ano ka ba, kayang-kaya ko na iyon. Sige na."

Nagmamadali na itong umalis. Nag-book siya ng grab. Hindi niya ginamit ang kaniyang sasakyan. Regalo ko sa kaniya nang birthday niya last year.

Umakyat na din ako sa taas. Madami akong gagawin at hindi ako puwedeng matambakan ng trabaho, lalo at plano kong magpahinga ng ilang linggo after ng wedding. Gusto kong pagsilbihan si Jacob. Wala pa pala kaming napag-usapan about honeymoon. Nag-init ang aking mukha. Honeymoon. Gagawin namin ang bagay na iyon.

Dapat pala magpa-wax ako bukas, para honeymoon ready ako. Magpapa-salon din ako at magpapa-body scrub para tanggal ang mga libag ko sa katawan.

Excited na ako. Ganado akong nagtrabaho at hindi ko namamalayan na gabi na pala.

Nagugutom na ako pero naisipan ko na kailangan kong mag-diet kaya hindi na lang ako kakain ngayong gabi. Iinom na lang ako ng madaming tubig tapos itutulog ko na lang.

Naligo na muna ako at habang nagpapaantok ay nag-text ako kay Jacob.

"Hi, nakauwi ka na ba?"

Habang naghihintay ako ng kaniyang reply, pinalitan ko ang naka-register niyang pangalan sa aking contacts.

Hubby... Iyan ang pinalit ko.

"Pauwi pa lang."

Kumunot ang aking noo. Hindi man lang tinanong kung ano ang ginagawa ko. Pero okay na din 'to na nag-reply siya. Dati never siyang nag-text sa akin. Kahit nang binati ko siya nang Christmas, new year, valentines day at birthday niya. Pati nang birthday ng mommy at daddy niya t-in-ext ko din siya para batiin ang mga 'to pero hindi man lang siya nag-reply.

Bumuntong hininga ako. Matutulog na nga lang ako.

Nag-beep ang celphone ko. Hindi ko na sana titingnan ito pero nasilip ko ang pangalan ni hubby.

"Go to sleep. Goodnight, wife." Napatili ako sa kilig. Grabe, ang sweet naman ng hubby ko.

Halos mapunit ang labi ko sa laki ng pagkakangiti ko habang nagtitipa ako ng reply.

"Goodnight too, hubby." Naglagay din ako ng emoji kisses at hearts.