“Sir, ano po ang sabi ninyo?” Kunot ang noong tanong niya.
“Inaalok kitang maging fuck buddy or bed partner ko. Aling salita ang mahirap intindihin?”
Hindi niya alam ang isasagot sa boss. Kagabi lang ay iniisip niya kung paano niya uumpisahan ang kasunduan nila ng mommy nito. At ngayon ay ito naman ang nagyayayang maging sexual partner siya. Magiging madali ang ipinapagawa ng nanay nito na willing magbayad ng isandaang milyon kapalit ng isang sanggol. Kinilabutan siya sa gulong pinapasok.
“May bayad. Tatlong milyon sa loob ng anim na buwan,” anito ng hindi siya agad sumagot.
Nakatitig lang siya sa gwapong lalaki. Babayaran na siya ng ina nito kaya hindi na ba siya magpapabayad sa binata?
“Huwag mong sabihing naliliitan ka pa. Hindi nga sure kung aabot ng anim buwan, baka isang buwan pa lamang ay magsawa na ako sa’yo.”
Naisip niyang sayang naman kung tatanggi siya sa bayad. Kaso parang nag-double compensation siya sa mag-ina. Parang nanamantala naman siya. Takot din naman siya sa karma.
“Limang milyon,” sabi ng binata.
“Ah sige po.” Sumagot na siya agad bago pa dagdagan uli nito ang perang iaalok. I-do-donate niya ang perang ibabayad nito sa ibang cancer patient. Para may iba siyang matulungan. Tutal ay sagot na ng mommy nito ang pagpapagamot sa kapatid niya.
“Okay, bukas pumirma ka ng kasulatan. Akin ka sa loob ng anim na buwan.”
Kung ano ano na ang kanyang pinipirmahan. Bigla siyang nangamba na sa kulungan siya pulutin kapag nagkataon.
“Sir, bakit po kailangan ninyo pang magbayad para may makasiping? Nagtataka lang po ako. Gwapo at mayaman kayo, tiyak na madaming may gusto sa inyo.”
“Hindi ko kailangang magpaliwanag sa’yo kung bakit ginagawa ko ang mga bagay na gusto kong gawin. May boyfriend ka ba ngayon?”
Hindi niya inaasahan ang tanong ng binata. Ayaw naman niyang sabihing hindi pa siya nagkakaroon ng boyfriend at baka pagtawanan siya nito.
“Meron po dati. Madami. Pero ngayon po ay wala akong boyfriend. Ako ang nakipag-break.” Pagmamalaki niya. Hindi naman sa pagyayabang pero madami siyang naging manliligaw.
“Ayaw ko ng makikipagrelasyon ka sa iba habang may kasunduan tayo. Magpapacheckup ka din para masigurado kong malinis ka.”
“Sir, wala po akong sakit.”
“Maniniwala lang ako kapag duktor ang nagsabi. At isa pa ayokong mabuntis ka kaya pupunta tayo sa duktor bukas para bigyan ka ng angkop na contraceptive. Hindi ikaw ang gusto kong maging ina ng anak ko.”
Medyo kumirot ang dibdib niya sa sinabi ng amo. Tumango na lamang siya. Naiipit siya sa mag-ina. Parang gusto na niyang umatras ngunit laban lang para sa kapatid na maysakit at sa kinabukasan ng kanyang pamilya.
***
Tulala pa din siya pagdating ng bahay. Nadatnan niya ang ina na nagtutupi ng mga damit na nilabahan. Nagmano siya dito. Si Betina naman, ang pangalawang kapatid niya na may cancer ay nakahiga sa folding bed. Nalalagas na ang buhok nito dahil sa chemotherapy. Sinalubong naman siya ng dalawa pang nakababatang kapatid na pawang nasa elementarya pa lamang. Agad na kinuha ng mga ito ang dala niyang plastic. Pina-takeout niya ang natirang pagkain nila ng amo.
“Nay, si Lester nasaan po?” Hinahanap niya ang pangatlong kapatid na lalaki na lagalag. Eighteen years old ito at mabarkada.
“Naku, hindi pa umuuwi mula ng pumasok kaninang umaga sa eskwelahan.”
“Kumain po muna kayo. Masarap po ang pagkaing uwi ko.” Hindi na niya hinanap ang ama na alam niyang nasa inuman na naman.
Sumungaw siya sa bintana ng barong barong nila. Gustong gusto na niyang makaahon sa hirap. At nakahanda siyang harapin kung anuman ang maging kapalit ng kasunduan niya sa mag-ina.
Dumating ang kanyang ama kasama si Don Fausto, ang may-ari ng malaking factory ng plastic sa kanilang lugar. Masugid niya itong manliligaw ngunit kahit mayaman ay hindi niya naisip na patulan ito. Mas matanda pa ito sa tatay niya. May malaki silang utang dito. Humiram siya noong nakaraang buwan ng pambayad ng chemo session ng kapatid. Agad naman itong nagbigay ng pera.
Binulungan siya ng ama. “Asikasuhin mong mabuti si Fausto. May malaki tayong utang diyan. Pakasalan mo na ang lalaking ‘yan at mawawalan tayo ng problema sa pera.”
Kahit ayaw ay hinarap niya si Don Fausto. Tinanggap din niya ang bulaklak na inabot nito. Tumabi ito sa kanya. Amoy lumang baul ang pabango ng matanda. Ang sakit sa ilong.
“Hanna, nagpunta ako dito upang hingin ang kamay mo sa mga magulang mo.”
Nanlaki ang mga mata niya. “Don Fausto, may boyfriend po ako. Pasensya na po kung hindi ko po matatanggap ang alok ninyo.”
Tumingin si Don Fausto sa kanyang ama na tila nanghihingi ng tulong na kumbinsihin siya.
“Hanna, magpapakasal ka kay Don Fausto, sa ayaw at sa gusto mo.”
“Tay, ayoko pong magpakasal. Nay, magpapakasal lang ako sa lalaking mahal ko,” malakas niyang sabi na hindi nagustuhan ni Don Fausto.
“Kung ganoon ay bayaran ninyo ang utang ninyo sa akin. Isang milyon.”
“Ha? Isang milyon? Isandaang libo lang ang hiniram namin sa’yo noong nakaraang buwan.”
“Utang mo lang ‘yan. Paano ang utang ng tatay mo na naipatalo niya sa sugal?”
Napahawak siya sa ulo. Umakyat ang dugo sa ulo niya. Nanginginig ang laman niya sa galit sa tatay niya. Wala ng maipakain sa kanila ay nakuha pang magsugal.
“Simple lang. Magpakasal ka sa akin. Burado na ang utang ninyo. Tutulungan ko pa kayo. Bibigyan kita ng tatlong araw. Kapag hindi mo ako nabayaran. Ipapakulong ko kayo ng tatay mo.”
Magmamakaawa sana siya sa matanda kaso ay tila demonyo itong nakangisi.
Katakot takot na sermon ang inabot niya mula sa kanyang tatay Edgar. Habang ang kanyang ina ay nananatiling walang kibo kahit pa ibinebenta na siya ng lantaran ng ama.
“Tay, bakit ako ang ipambabayad ninyo sa utang ninyo?! Anong klase kayong ama?”
Nagulantang siya ng dumapo ang kamay nito sa kanyang pisngi.
“Wala kang utang na loob! Ako ang bumuhay sa inyo noong maliliit pa lamang kayo. Panahon ng magbayad ka ng utang na loob sa akin.”
“Hahanap ako ng perang pambayad. Hindi ako magpapakasal sa matandang ‘yon!”
Alam na niya kung kanino hihingi ng tulong.
Maaga pa lang ay nagpupunas na siya ng mesa ni Ethan. Binuksan niya ang lahat ng cabinet upang alisin ang alikabok. Pagbukas niya sa unang drawer ay nakita niya ang isang picture frame. Si Ethan at isang magandang babae. Baka ito ang ex-girfriend ng binata. Hindi naman sila nagkakalayo ng ganda. Mayaman at halatang may pinag-aralan ang babae.
“Sino ang nagsabi sa’yong pakialaman mo ‘yan?” anang baritonong boses mula sa kanyang likuran.
Sa gulat ay naihagis niya ang picture frame at nabasag. Agad niya itong dinampot dahilan upang masugatan ang kanyang kamay.
“Napaka-clumsy mo!” sabi ni Ethan.
Nagulat siya ng isinubo nito ang kanyang daliri at s******n ang dugo. Tila siya nakuryente. Umalon ang kanyang puson ng maramdaman ang mainit nitong bibig sa kanyang daliri. Naamoy niya ang mabangong binata.
Kinuha nito ang panyo sa bulsa at ibinalot sa sugat niya. “Magpunta ka ng clinic.”
“Liligpitin ko muna ang kalat. Pasensya na po.”
“Si Terry na ang bahala diyan. Umalis ka na at umiinit ang ulo ko sa’yo,” singhal nito.
Wala sa sariling lumabas siya ng opisina ng nakangiti kahit medyo mahapdi ang sugat. Lumabas siya ng clinic ng nakangiti pa din. Napalis lang ang ngiti niya sa labi ng maalala na hihingiin niya ang isang milyon bilang paunang bayad sa pagiging bed partner sa amo.
Muli siyang bumalik. “Sir Ethan. Pwede po ba kayong makausap?”
“Busy ako. Magtrabaho ka na at huwag mo akong abalahin.” Mukhnag mainit ang ulo nito.
Kinabukasan ay bumalik ulit siya. “Sir, kailangan ko po talaga kayong makausap.”
“May meeting ako sa ilang investors. Bukas na lang.” Nilagpasan siya nito. Hahabol sana siya ngunit sumenyas si Terry na huwag na siyang lumapit.
May kumislap na ideya sa kanyang isip. Hihingi siya ng paunang bayad mula sa mommy ni Ethan. Pinuntahan niya ito sa opisina. Kaso ay out of town daw ito sabi ng secretary. Ang malas!
Huling araw na niya upang makakuha ng isang milyon. Nilakasan na niya ang loob. Hinintay niya ang break time ng boss. Inabangan niya ito sa labas ng conference room. Halos mabura na ang design ng tiles kaka-mop niya sa sahig.
“Sir, hindi na ako magpapaligoy-ligoy pa. Kailangan ko ng isang milyon. Bigyan mo ako ngayon din.” Sinundan niya ang malaking hakbang nito.
Umiling ang lalaki. “Kaya mo ako inaabala ng ilang araw dahil kailangan mo ng pera? Ipapaalala ko lang na hindi ka pa nga nag-uumpisa ng napagkasunduan natin.”
“Sir, ipinapaalala ko lang na ikaw ang busy kaya hindi pa natin nagagawa ang kasunduan. Nakapirma na ako kaya dapat mo na akong bayaran. Kailangan ko lang talaga.”
“Bakit mo kailangan ng isang milyon? Mag-sa-shopping ka na naman? Bibili ka ng luho mo?”
“Basta sir, ibigay mo na ang paunang bayad.” Hindi niya masabi dito ang dahilan dahil may mga dumadaang empelyado sa hallway na napapatingin sa kanila.
“Huwag mo akong abalahin ngayon. Maghintay ka kung kailan ko ibibigay ang bayad.”
Tila gumuho ang mundo niya. Lagot na. Kapag hindi siya nakabayad ngayong araw ay baka damputin silang mag-ama ng pulis.
Tila siya pagong sa paglabas ng building ng Unicorn Marketing Agency. Tiyak na naghihintay na sa kanya si Don Fausto. Kasal o kulong. May dalawa siyang pamimilian.Hindi na siya sumakay ng dyip. Kung pwede lang pahintuin ang oras ay ginawa na niya. May nadinig siyang busina sa likuran. Ang magarang Bentley car ng CEO, si Ethan! Nagmamadali siyang lumapit sa car window nito at kinatok ng malakas.“Sir, matindi lang ang pangangailangan ko. Kailangan ko po ng one million.”“Hey, kapag nagasgasan mo ang paborito kong kotse, lagot ka sa akin.”“Sir, parang awa mo na. Kailangan ko ng isang milyon dahil kung hindi ay mapipilitan akong magpakasal sa taong hindi ko gusto.”Umismid ang binata. “Ilusyunada ka din. Ano ang akala mo sa sarili mo, bida sa telenobela? Ang sabihin mo ay gusto mong mag-shopping kaya ka nanghihingi ng isang milyon. Nakita ko kung paano mo inubos ang 250,000 na ibinayad ko sa’yo. Nagshopping ka at nagpa-salon. Tignan mo at puro bago ang gamit mo.”Paano ba niya sasabihi
Si Ethan ang sumagot. “Kasunduan po. Napagkasunduan po namin na huwag ng patagalin pa ang aming relasyon bilang magkasintahan. At nagpaplano na po kaming magpakasal.”Nagningning ang mata ng ama niyang oportunista. “Suportado ko ang pagmamahalan ninyo.” Tinapik pa nito sa balikat ang binata. Kay bait ng ama niya. Naglaho ang sungay at buntot nito.“Sige na ‘tay, aalis na po si Ethan. Goodnight, sweetheart,” aniya. Itinulak na niya ito papasok sa kotse.“Teka lang sweetheart, may sasabihin pa ako sa’yo. Tatay Edgar, ipagpapaalam ko lang po sana si Hanna ng ilang minuto para magkasarilinan po kami.”“Walang problema. May malapit na motel diyan sa malapit. Sa unang kanto, liko ka sa kaliwa.”Nasamid silang dalawa ni Ethan. Wala talagang preno ang bibig ng tatay niya.“Oh, bakit ganyan ang tingin ninyo sa akin. Ano ba ang ginagawa ng magkasintahan? Imposibleng magtititigan lang kayo. Mga bata pa kayo at malakas, kayang kaya ninyo ang ilang rounds. O sige, mauna na ako. Kung gusto ninyo ma
“Kung in-love ka na sa akin. Condolences sa puso mo. It will be broken into million pieces.” Malamig ang titig ni Ethan sa kanya.Agad siyang bumawi. “Joke lang, sir. Masyado ka namang seryoso sa buhay. Hindi ako ma-iin-love sa kagaya mo. Tsaka may iba akong mahal.” Pagsisinungaling niya. Naging mailap ang mga mata niya. Alam naman niyang hindi dapat mahulog ang damdamin niya sa boss. Langit at lupa ang pagitan nila.“Anong sabi mo?” Hinawakan nito ng mahigpit ang kanyang braso.“May iba akong mahal kaya huwag kang matakot na ma-fall ako sa’yo. Hindi mangyayari ‘yon.”“Binasa mo ba nag kasunduan natin? Hindi ka makikipagrelasyon sa iba habang nagpapanggap kang girlfriend ko. Hindi ko gusto ang may kahati sa kahit ano, bagay man o tao.”“Hindi ko naman siya boyfriend. Naghihintay ako sa pagbabalik niya.”“Akin ka, Hanna. Naiintindihan mo?”Gusto sana niyang kiligin sa sinabi nito pero alam niyang nagbabanta lamang ang binata. Marahan siyang tumango. Tinitigan niya ang gwapong mukha ng
Nakita niya ang takot sa mukha ni Ethan pagkakita sa matanda. “Lola Rosa, mayroon lang po kaming maliit na hindi pagkakaunawaan. Maaayos din po agad namin.” Umakbay ang binata sa kanya.“I saw everything, Ethan. Sinungaling ang dati mong kasintahan. Siya ang naunang makipag-away kay Hanna. Sa susunod, makinig ka muna sa taong totoong nagmamahal sa’yo,” pagtatanggol sa kanya ni Lola Rosa.“Kaya nga po kinakausap ko si Hanna ng mahinahon para malaman ko po ang side niya. Hindi lang po talaga maiiwasan ang pagtatalo kung minsan.”Tumunog ang cellphone ng binata. “Excuse me at sasagutin ko lang po ang tawag.”Tinabihan niya ang matanda. “Salamat po, Lola Rosa. Nakita ninyo po ba ng hilahin niya ang buhok ko?”“Hindi, wala akong nakita. Pinagtanggol lang kita dahil wala akong tiwala sa babaeng iyon.” Alanganing ngumiti niya sa matanda.“Lola Rosa, makakaasa po kayo na mapagkakatiwalaan ninyo ako.”“Hindi pa ako sure kung mapagkakatiwalaan ka nga o isa ka ding oportunista kagaya ng iba. Mag
“At bakit ikaw ang tinatawagan niya? Hindi ba at may asawa na siya? Dapat una niyang hingin ng tulong ang asawa niya,” sabi ni Hanna kay Ethan.“Wait, Hanna. Ipapaalala ko lang na hindi kita totoong girlfriend. Nagpapanggap lang tayo. Wala kang pakialam kung ano ang gusto kong gawin sa buhay ko. Bayad ka sa trabahong ito.”Tila siya sinampal sa nadinig. Nabitawan niya ang kamay ng amo. Bakit nga ba nawawala siya sa reyalidad? At bakit nasasaktan siya? Tila nagseselos siya kahit wala siyang karapatan.Tumawa siya upang itago ang pagkapahiya. “Sorry, sir. Sa sobrang ginagalingan ko sa trabaho, akala ko totoo na. Sige po, puntahan na ninyo si Ms. Cali at baka kailangan niya kayo.” Hindi na nagsayang ng ilang segundo ang binata at umalis na ito.Napaupo siya sa malambot na kama. Ano ba ang nangyayari sa kanya? Tinampal niya ang magkabilang pisngi upang magising sa katotohanang nagpapanggap lamang sila. Imposibleng magkagusto ang CEO sa isang dyanitres.Lumabas na din siya ng condo unit ng
“Sir, masyado na pong personal na tanong ‘yan,” sabi ni Hanna sa boss.“Ayaw mong sagutin dahil baka nagsinungaling ka kanina sa duktor. Baka hindi lang isa ang lalaki. Magsabi ka ng totoo.”Pinigil niyang irapan ang binata sa kanyang tabi. “Si Dylan. Naalala mo ang lalaking kausap ko sa video call?” Wala na siyang maisip na iba. Hindi naman niya pwedeng sabihin na ito ang lalaki nakauna sa kanya at baka ipakulong pa siya nito dahil natangay niya ang wallet nito na may lamang halos dalawampung libo na nagastos na niya.Tila nagngalit ang bagang ng boss ng madinig ang pangalan ni Dylan. Ngunit malamang ay guni-guni lamang niya dahil imposibleng magalit ito sa kung sino mang lalaki ang nakakuha sa pagka-birhen niya.“Siguraduhin mo lang na hindi ka makikipag-ugnayan sa kahit na sinong lalaki habang may kasunduan tayo. Pag-aari kita. Naiintindihan mo?”Tumango siya. “Huwag po kayong mag-alala at mahal ko ang trabaho ko at ang perang kikitain ko.” At mahal kita! Huy! Bakit may pumapasok n
Pumasok sa loob ng condo si Ethan. Nayakap niya ang sarili at nagkubli sa ilalim ng kumot.“May nangyari po ba sa atin kagabi? Pasensya ka na wala akong maalala.”Ibinigay nito sa kanya ang dalang isang basong tubig at gamot. “Ano sa tingin mo?” nakakalokong ngumiti ito.Pinakiramdaman niya ang sarili. Hindi naman masakit ang ibabang bahagi ng kanyang katawan hindi kagaya noon na hindi siya nakalakad ng maayos dahil malaki at mataba ang ari nito. Namula ang kanyang pisngi. Pero baka dahil first time niya dati at ngayon ay pangalawang pagkakataon na kaya wala siyang naramdamang sakit.“Bumangon ka na diyan at maligo. Sabay na tayong pumasok sa opisina.”Inabot nito ang bagong set ng damit at sapatos. Tapos na siyang maligo at nadatnan niya itong naghahanda ng agahan. Wow, husband material. Ang sweet naman. “Breakfast is ready,” anang binata.Susubo na sana siya ngunit inawat siya ng binata. Picture muna tayo at send ko kay mommy at Lolo Rosa. Ah kaya pala nag-effort ito, gusto lang ma
Inabot ni Dylan ang kamay kay Ethan na alam niyang hindi tatanggapin ng kanyang amo. Mas lalong humaba ang kanyang buhok dahil dalawang makikisig na lalaki ang tila nais magsuntukan para sa kanya. Ipinilig niya ang ulo dahil naisip niyang parehas na hindi niya kasintahan ang dalawa.Lumabas ang tatay Edgar niya at tinawag ang mga lalaki papasok sa loob ng kanilang bahay.“May mga bisita pala tayo. Pumasok kayo mga ginoo. Shot tayo.” Tuwang tuwa na naman ang kanyang ama dahil masasayaran na naman ang lalamunan nito ng alak. Bakit ba ang mga lalaki ay hindi makakapag-usap ng walang alak sa harapan?“Tay, magpapadala ako ng masarap na alak,” ani Ethan.“Tay, umorder na kayo ng pulutan na gusto ninyo,” sabi naman ni Dylan.May mga kapitbahay na namang nakikiusyoso sa kanila. Kilala ng mga ito si Dylan.Mag-iinuman ang tatlo at nagtawag pa ng mga kaibigan ang kanyang ama.Tumabi sa kanya si Ethan at umakbay. “Tay Edgar at Nanay Lourdes, tutal ay kaharap ko na po kayo. Hihingiin ko na po an