New client

“Good morning, Mr. Jintalan!” Sari-saring bati ang sumalubong kay Elijah pagpasok palang kung saan gaganapin ang hearing.

Napangiwi naman sa gilid si Laura habang tinitignan si Elijah na malawak ang ngiti na sinasagot ang bawat tanong, kasama pa nito ang malandi niyang secretary.

Bumaba ang mga tingin ni Laura sa tiyan ng babae, flat pa rin iyon pero alam niyang may laman na iyon. Pag-angat ng tingin niya ay nagtama ang mga mata nila ng babae, agad itong ngumisi at naglakad palapit sa kaniya.

“At talagang andito ka para ilaban ang daddy mo sa kaso, sa tingin mo ba ay may magagawa ka? Wala na ang kapangyarihan ng pamilya n’yo, sino ang inaasahan mo na tutulong sa’yo e kahit yata mumurahin na lawyer ay wala ka ng makukuha.”

Halos magngitngit ang ngipin ni Laura sa lakas ng boses ng babae, halata na gusto nitong ipahiya siya. “Ano naman sa’yo kung ilaban ko ang kaso ng daddy ko, hindi mo naman pera ang uubusin ko. Isa pa, may pinakaiba ba tayong dalawa? Wala ka rin namang pera, kung alam ko lang lahat ng suot mo ngayon ay galing sa ex-boyfriend ko.”

“Hah! Kaya ka iniwan ni Elijah e, dahil sa ugali mo. Hindi ka na nga marunong mag-ayos ay hindi mo pa alam kung saan dapat lumugar, hindi na ako makapaghintay na makita ka na umiiyak habang binibitbit ng pulis ang daddy mo papasok sa kulungan.” Mataray nitong sagot.

Hindi alam ni Laura kung anong kasalanan niya kay Sia, bakit ganoon nalang ang galit nito sa kaniya. Agad niya itong tinulak dala na rin ng galit, “Hindi makukulong ang daddy ko.” Mariin niyang untag.

“Aray!” Sabay-sabay na napalingon ang lahat dahil sa malakas nitong reklamo, isa na roon ay si Elijah na nagmamadaling lumapit sa kanila.

“Sia, ayos ka lang ba?” Puno ng pag-aalala ang mukha nito, na parang isang mamahalin at babasaging bagay ang babae. “Laura, ano sa tingin mo ang ginagawa mo ha?! Hindi ka pa rin ba tumitigil, diba ay napagusapan na nating tapos na tayo?”

Yumakap si Sia sa braso niya, “honey, pinipilit pa rin niyang inagaw kita sa kaniya. Hindi niya maintindihan na hindi mo siya mahal, sabi pa niya ay malandi raw ako at hindi mo anak ang batang dinadala ko.” Maiyak-iyak pa niyang sabi.

“W-Wala akong sinasabi na gan’yan, Elijah! Nagsisinungaling si’ya—”

“Shut up, Laura! Hindi mo ba matanggap na hindi na kita mahal at wala na tayo? Hanggang dito ba naman ay manggugulo ka, nakakalimutan mo yatang ngayon ang hearing ng kaso ng daddy mo. Bakit hindi ka nalang maghanap ng tatayong lawyer ng daddy mo kaysa sayangin mo ang oras mon a guluhin kami?”

“Sinabi ko na rin sa kaniya iyon, pero hindi siya marunong makinig. Sa halip na magpasalamat siya dahil may kaunting awa pa tayo ay nagalit pa siya sa akin, pakiramdam ko ay sumasakit ang tiyan ko dahil sa ginawa n’ya.” Hinaplos pa ni Sia ang tiyan niya.

Gumuhit ang kaba sa mukha ni Elijah, “pag may nangyaring masama kay Sia at sa anak namin, baka makalimutan ko ang pinagsamahan natin at pati ikaw ay makulong tulad ng daddy mo!” Tumaas ang kamay ni Elijah at akmang itutulak rin si Laura ng nagsimula muling mag-ingay ang mga tao.

Sa pagkakataon na iyon ay si Adan Del Rosario naman ang dumating, suot nito ang mamahalin niyang suit na regalo pa ng pinakasikat na fashion designer sa paris.

“Mr. Del Rosario! Anong ginagawa mo rito, ikaw ba ang may hawak ng kaso ngayon? Sinong pamilya ang client mo?” Sunod-sunod na tanong ng mga andoon pero seryoso at dire-diretso lang na naglakad si Adan patungon kung nasaan sila Elijah.

“Oh, Mr. Del Rosario. Mabuti naman at dumating ka na,” masayang bati ni Sia sa lalaki, “salamat sa pagpunta.” Puno ng lambing ang tono ng boses niya. Sa pagkakataon na iyon ay tinuon naman ni Sia ang tingin kay Laura, “ngayon ay alam mo na wala talaga kayong pag-asa na Manalo, we have Mr. Del Rosario and you got nothing.”

Mayabang ang tono ni Sia, puno ng confidence na sila na ang panalo sa kaso.

Tulalang nakatingin si Laura sa lalaking nasa gilid, binalot ng kaba ang buo niyang pagkatao. Alam niyang wala siyang maibibigay sa lawyer na malaking halaga una palang, kaya ng pumayag ito na kunin ang kaso ng daddy niya ay sobra siyang nabigla.

Ngayon ay hindi na siya magtataka kung makalimutan nito ang usapan nila lalo na kung may offer sila Elijah na malaking halaga para sila ang tulungan nito.

Para siyang pinagbagsakan ng langit at lupa, “S-Still… Ilalaban ko ang kaso ng daddy ko—”

Natigilan siya ng pumatong ang kamay ni Adan sa balikat niya, “I think there is misunderstanding here, Miss. Hindi ako nagpunta rito para sa inyo, my client is Ms. Zapanta.” Diretso at malamig na sabi ni Adan sa kanila.