KABANATA 66

Alexena

Nakatulala lamang ako sa dilim at hindi gaanong nakatulog dahil sa nangyari.

Hindi ako hinayaan ni Cloud na manahimik lang, bagkus ay pinilit ako nitong magkuwento kung ano ba ang nangyari sa pagitan namin ni Lucy na humantong sa pagkahulog ko sa pool. Dahil sa sakit ng loob na nadarama ay sinabi ko rito ang totoo. Tila ba para akong bumalik sa pagkabata, para akong nakakita ng kakampi at nagsumbong ako rito. Inilabas ko ang mga sama ng loob ko dahil sobrang bigat na.

Inalo naman ako ni Cloud. Inalis ko ang hiya ko at umiyak sa balikat nito halos buong magdamag, ayaw maampat ng luha ko, pinipigilan ko naman pero ayaw talagang tumigil. Nakinig ito sa lahat ng drama ko. Nang matapos na akong magkuwento ay singhot at hikbi na lang ang pumuno sa silid namin. Hinayaan ako nito at sa pagod siguro ay hindi ko na namalayan pa na nakatulog ako, nagising na lang ako na komportableng nakahiga sa kama ko.

Gising na ako kanina pa pero hindi ako kumikilos o gumagalaw man lang.

Ramdam ko