Kabanata XVI

ABALA si Vanessa sa paglalaro ng candy crush sa cellphone na bigay ni Angelo habang nagbabantay siya sa tindahan. Inutusan siya ng kanyang mama na magbantay doon nang makarating sila galing sa ilog. 

Saglit namang umuwi si Angelo na ipinagpasalamat niya dahil wala ngayong nangungulit sa kanya. Pero sigurado siyang babalik ito para parusahan siya mamaya. 'Yon ang sinabi nito bago umalis.

It's already eight in the evening at kadalasan ay ten o'clock nagsasarado ang tindahan nila. Medyo maraming bumibili sa gabi at kadalasan ay tumatambay pa sa harap ng tindahan para kausapin siya. 

Halos kilala naman niya lahat ng tao sa kanilang lugar kaya kumportable siyang makipag-usap at makipag-kwentuhan sa mga ito. Hindi naman siya lumalabas sa kanilang munting tindahan habang nakikipag-usap at nananatili ang mga ito sa labas. Hindi rin naman ang mga ito nagtatagal dahil lumalalim na ang gabi at bawal ang manatili o tumambay sa labas dahil may curfew.

Lumipas ang oras at na