Kabanata 62

Maaga akong pumunta sa hospital, gusto pa sana akong ihatid ni Reynan, pero hindi na ako pumayag. Alam ko may meeting na naman siya. At saka, plano ko ngang kausapin ang director, kaya hindi pwedeng kasama ko siyaa ngayon.

Ngayon nga ay nandito na ako sa labas ng office ni Mr. Norman. Kumatok muna ako ng isang beses bago pumasok.

“Good morning, Mr. Norman,” bati ko sa may katandaan naming boss.

“Good morning, Doktora Villafuerte,” bati nito at iminuwestra ang kamay sa upuan na katapat ng inuupuan niya.

Nagpasalamat ako at umupo. “Mr. Norman, tungkol po sa mensahe ko sa inyo kahapon,” simula ko na ngiti naman ang sagot nito.

“Hindi ko alam kung ano ang kaugnayan mo sa bata, pero masaya ako na may isang doktor na gaya mo na nagmamalasakit.”

Ngumiti ako. Hindi ko sinabi sa kanya kung ano talaga ang dahilan ko sa pagtulong sa bata. Wala rin akong intensyon na pati siya ay madamay sa aming problema ni Reynan.

“Bilang doktor po, masaya akong makatulong sa mga nangangailangan.”

“Alam mo,