141.

[Alena]

Hindi niya mabilang kung ilang beses na ba siyang bumuntong hininga simula pa kanina. Hanggang ngayong nag aapoy pa rin ang dibdib niya sa galit kay Kley.

Walang hiyang babae ‘yon, nagawang saktan ang anak niya.

Kapag naaalala niya kung paano umiyak si Aimee kanina ay nagngingitngit talaga siya sa galit. Ayon sa anak niya ay hindi sinasadya na nasagi lang nito si Kley. Kahit si Pina ay hindi nito pinalagpas.

May sayas yata sa ulo ang babaeng ‘yon, kaya kahit bata pinapatos.

Kinuha niya ang cellphone ng magring ito. Tumatawag ang nanay niya.

“Hello, nay?”

“Alena, anak! Si Kairo!!!” Umiiyak na saad nito.

Kulang nalang ay liparin niya ang daan papunta ng sasakyan. “Manong, sa ospital tayo!” Aniya sa driver.

Nanginginig ang katawan niya sa pag aalala. Nagkaro’n daw ng seizure si Kairo, bigla na lamang daw nanginig ang katawan nito.

“Diyos ko, ingatan mo po si Kairo.” Piping panalangin ng utak niya.

Pagdating sa ospital ay sumalubong sa kanya ang nanay niya