Chapter 18

“Sir, sorry. Mukhang nakaabala po yata kami sa pagtulog ninyo,” wika ng taong pinagbuksan niya.

“Next time, just send me a notice. Para ako na lang ang maglalabas nito.” Iniabot niya ang basura sa dalawang lalaking kaharap.

Napayuko ang mga ito. “Sorry po talaga. Pero binigyan na po namin noong isang araw si Ma’am Ganda. Ang sabi po niya kapag hindi niya nailabas ang mga ito ay mag-door bell na lang daw ho kami,” anang sa tingin niya ay mas batang lalaki.

“Whatever!” Marahas siyang napahagod sa batok. Mas lalo siyang nainis nang makitang lumabas na si Katie sa kaniyang silid. “F*ck!” mahinang mura niya. Napatingin siya sa ibabang bahagi ng katawan na hindi naman yata marunong sumuko sa laban. Tayong-tayo pa iyon kahit na nga naunsyami siya kanina.

“Sige po, Sir. Pasensya na po ulit.”

Hindi na siya sumagot pa. Tinalikuran niya ang mga ito saka isinara ang pinto. Kahit kailan talaga may mga istorbo sa kaniyang ginagawa.

Nakapamewang na bumalik siya sa kusina at nakuha na lang ligpi