CHAPTER 6 : Bus Terminal.

CHAPTER 6 : Bus Terminal.

"Baks tuleley ka d'yan, anong ginawa mo na naman doon sa mga devils?" Pukaw ni luigi sa atensyon ko nakatulala kasi akong nakatingin lang sa bahay namin habang papalayo na kami. Bumungtong hininga muna ako bago sumagot.

"Sinabi ko lang naman may mga multo sa bahay pinangungunahan nila lolo at lola. Saka ako lumabas ini-off ko ang kuryente saka ko ni-lock ang pinto pati yung gate kaya sila nag sigawan sa loob kasi natakot sila at hindi sila makalabas, pigil tawa kong sabi.

"Buti nga sa kanila yun" Yawang usal nito.

"Good job baks! alam mo ba ang galing-galing mo kanina hindi mo kaylangan ang rescue namin ni baks luigi kung alam mo lang nag pipigil na itong palad ko masampal at masabutan yung tatlong bruhang yun ipinaubaya ko nalang sana kay luigi yung ama nilang panot kasi wala akong mahilang buhok doon" Natatawa din sabat ni piper nag apiran kaming tatlo habang natatawa, proud pa talaga sila sa ginawa ko.

"Gaga! meron buhok yun sa baba kulot pa nga at nag buhol-buhol pa" Tawang sabi ni luigi kaya mas lalo kaming natawa.

"Mga pasaway talaga kayo" Sambit ni mama pero nag tawanan lang kaming tatlo. Habang nasa biyahe kami panay kuwentohan at tawanan lang kami parang walang nangyari kani-kanina lang naki sali din sila ethan at nathan sa kalokohan namin. Hindi na nga namin namalayan dumating na kami dito sa terminal ng bus kung saan kami nag pahatid kay manong teddy mahigit tatlong minuto ang biyahe mula sa bahay namin lalo na dahan-dahan lang ang pag maneho ni manong teddy para iwas disgrasya.

"Sigurado ba kayo hindi ko na kayo ihatid sa pupuntahan niyo, kahit malayo pa yan ihatid ko kayo saka gabi na" Saad ni manong teddy.

"Ayos lang po manong ted mag bus nalang kami saka malayo po ang pupuntahan namin at gaya ng sabi niyo po gabi na. Kaya kaylangan niyo na po mag pahinga, nag hihintay na rin sa inyo si manang dolores" Kanina pa kasi ito nag pupumilit ihatid kami kung saan talaga kami pupunta.

"Sige basta mag ingat kayo ha at mamis namin kayo. Sadyang masama lang talaga ang ugali ng tiyahin at asawa niya maging mga pinsan mo tisay wala talaga silang awa sa inyo makarma talaga sila ginagawa nila sa inyo. Ngayon palang ramdam na namin ang lungkot sa lugar natin kasi wala na kayo doon" Malungkot pa na usal ni manong ted. Kahit ako nalulungkot din pero kaylangan muna namin lumayo para makapag-pamuhay ng tahimik walang gumugulo sa amin.

"Nako ikaw talaga teddy mag kikita pa tayo! Kaya wag kanang malungkot babalik din kami pero may katagalan nga lang siguro. Salamat talaga sa pag hatid mo sa amin" Sabad ni mama kaya hinayaan ko na sila mag usap. Tumulong muna ako sa pag baba sa mga bagahe namin. Nang matapos namin ibaba lahat daig pa namin ang bakwit sa dami naming dala. Nag pasalamat ako kay manong teddy saka binayaran ko na rin siya bilang pakyaw namin sa jeep niya ayaw pa sana nito tanggapin kasi tulong nalang daw niya ito sa pag hatid niya amin pero nag pumilit ako. Pinasok ko sa bulsa ng polo niya ang pera kaya wala na siyang nagawa pa.

"Kuya noel, pwede po ba kami mag palipas ng gabi dito habang hinihintay yung first trip papuntang maynila?" Tanong ko kay kuya noel siya ang head security guard dito sa terminal ng bus. Kapit bahay din namin sila pero minsan nalang sila umuuwi doon sa bahay nila at inaanak siya ni mama.

"Oo naman hinanda ko nga na yung tulogan niyo doon sa pahingahan namin mga guard may isang bakanteng kuwarto doon at buti nalang pumayag yung manager namin, kasi sinabi ko pinalayas kayo at wala kayong tuloyan ngayon gabi" Sabi nito na siyang kinatuwa namin. Tinawagan ko na ito kanina gamit ang cellphone ni mama. Nag pa book din ako sa kanya ng ticket namin. Buti nalang naka kuha pa ito ng pang first trip kasi wala padaw masyadong nag pa book ng tickets, alas tres ng madaling araw ang first trip pa-byaheng maynila.

"Dabeeest ka talaga kuya noel salamat talaga" Masayang turan ko, napayakap pa ako sa kanya.

"Bumitaw ka nga isay baka makita ka ng babe ko isipin pa nun niloloko ko siya!" Natawa ako sa tinuran nito habang tinutulak niya ako, tisay o isay ang tawag nila sa akin.

"Uy!!! nag bibinata na si kuya noel ma oh, may pa-babe-babe na siyang nalalaman" tudyo ko pa dito.

"Nako ninang ayaw ko pong tumandang binata" Natatawang sabi pa ni kuya noel, pitong taon ang agwat ng idad namin kaya kuya ang tawag ko sa kanya.

"Oo nga naman noel tatlungpot taon kana dapat may asawa kana" Ngiting sabi ni mama.

"Wag ka mag alala ninang invited kayo sa kasal namin! Buti pa ihatid ko na kayo doon sa tuloyan niyo ngayon gabi para makapag pahinga na kayo" Saad nalang ni kuya noel. Hinatid niya nga kami dito sa medyo kalakihang kuwarto may mga double desk itong higaan kaya makapag pahinga kami ng maayos dito hanggang madaling araw.

"Ito ang medicine kit isay, gamotin mo yan mga sugat ni ninang helena. Grabi talaga ka-salbahe yan tiyahin at mga pinsan mo parang mga walang puso" Tila galit na sabi ni kuya noel habang naka tingin kay mama.

"Salamat kuya, hindi ko na kasi nagamot kanina mga sugat niya kasi nag mamadali na kami sa pag alsabalutan ng makaalis na kami doon" Malungkot kong usal.

"Wag ka mag alala kuya noel kung nakita mo lang pano lamapasuin ni hope yung mga bruhang yun kanina nag ala action star yan sa galing" Sabad ni piper.

"Oo nga parang nanood lang kami ng action movie slash drama sa tv na pinamagatang Bida kuntrabida! Ganun na ganun kasi yung aurahan ni baks hope kanina sampal dito sabunot doon sipa dito suntok doon grabi talaga katapang yan si baks hope kuya noel!" Dagdag daldal pa ni luigi with action pa.

"Kaya proud ako dito kay isay kasi ang tapang na niya" Proud na sabi ni kuya noel ginulo pa nito ang buhok ko na kinanguso ko sabay layo sa kanya, kaya mahina itong natawa.

"Pasensya na kayo wala kami doon at kung nagkataon doon sila nanay baka sila ang makabangga ni valerie at mga anak niya ayaw pa naman mga nun sa pag aapi nila sa inyo kahit ako kung doon lang ako kanina hindi ko hahayaan masaktan nila si ninang" Mariing saad pa ni kuya noel halata sa mukha nito ang galit.

"Tapos na yun noel wag ka na mag alala makakalayo na kami sa kanila" Malungkot na usal ni mama. Hindi nag tagal nag paalam na sa amin si kuya noel babalik na ito sa trabaho niya. Inaya pa namin siya na saluhan kaming kumain pero kumuha lang ito ng ulam kasi miss nadaw nito ang luto ni mama, mamaya lang daw nito kainin kasi busog pa siya.

Sinabihan pa niya kami painitin muna namin sa kusina ng mga guard ang kanin at ulam bago kami kakain. At yung ibang bagahe pala namin siya nadaw ang bahala doon kinuha lang namin ang mga gamitin namin ngayon gabi at mga suotin namin para sa pag biyahe namin bukas ng madaling araw.

*****************************

"Ma, sigurado po ba kayo sunduin tayo dito ni ninang?" Tanong ko kay mama kasi halos isang oras na kami nag hihintay dito sa terminal ng bus kung saan kami bumaba pinag titignan na kami ng mga tao sa dami naming dala lalo na sa akin parang ngayon lang sila nakakita ng matangkad na mistisang babae naligaw dito sa bus terminal.

"Oo nak na traffic lang yun kasi ganun talaga dito sa maynila grabi ang traffic kaya habaan talaga ang pasenya pag naiipit sa traffic" Sagot ni mama kinuha ko sa kanya si calla namumula na ang pisngi nito dahil sa init.

"Ang init dito ate akala ko maganda dito ang init-init pala saka may bad smell reklamo ni calla sabay takip sa ilong nito, kaya natawa ako sa reaction nito.

"Masanay ka na rin baby pag matagal na tayo dito! Nakit mo kasi binaba yan mask mo naamoy mo tuloy yung bad smell" malumanay kong usal, inaayos ko ang mask niya.

"Oo nga baby calla masira ang beauty ko dito embes puputi ako dito mas lalo ata akong mag kulay uling kaloka talaga!" Maarteng sabi ni luigi kumekendeng pa itong umupo sa tabi nila nathan at ethan na natatawa sa tinuran ng bakla.

"Maarteng baklang to, bakit hindi ka nalang nag paiwan at bumalik doon sa tatay mong ginagawa kang boxing bag" Sabi naman ni piper yakap ang backpack nito, umpisa na naman sila mag bardagulan.

"Hoy! piper pypper pick! Wag mo akong pangunahan baka masipa kita pabalik doon sa tiyahin mong mukhang pera at ibenta ka sa mga mayamang matanda madaling matigok!" Banat ni luigi, napapailing nalang ako sa bangayan nila. Ilan beses ko nga sila tinatanong kung sasama ba talaga sila sa amin. Pero pinang hahawakan talaga nilang dalawa kung saan ako doon din sila kaya masaya ako kasi kasama ko pa rin ang dalawa kong kaibigan minsan magka sundo sila minsan naman parang nag aaway daig pa ang aso't pusa, pero mamaya mag tawanan naman sila parang mga baliw lang.

"WELCOME TO MAYNILA" Napalingon ako ng may biglang nag salita ng malakas sa bandang likod ko.

"Alex!!!! ikaw na ba yan? Ang laki na ng pinag bago mo ah!" Lumapit si mama sa tinawag nitong alex.

"No other than sissy alexa at your servince!" Nag yakapan ang dalawa.

"Alexa my dear sissy not alex kaloka ka!" Reklamo pa nito kay mama ng kumalas ito sa yakapan nila. Kunot noo ko lang titigan ito para kilalanin.

"Pasensya na pala kayo natagalan ako naipit kasi ako sa traffic! Anong nangyari sa face mo bakla ang daming sugat sinong nanakit sayo? Jumbagan ko ng tudo-dulo!" Sunod-sunod pa nitong tanong kay mama at sinuri pa nito ang mukha ni mama. Lumapit na ako sa kanila habang karga ko pa rin si calla, napatingala naman ito sa akin parang na-shock at napa-tutup pa ito sa bibig niya.

"Wait ito naba yung inaanak ko sissy helena?" Tila hindi makapaniwalang tanong nito.

"Asus lagi kitang sentan ng mga picture at video niya noh" Ani naman ni mama.

"Iba kasi sa video at picture lang at sa personal, O my goodness inaanak ang tangkad at ang puti-puti mo saka super duper ganda mo pa!" Tila namamanghan usal nitong naka tingala sa akin. Minsan ko lang ito nakita noong high school palang ako, kasi nangibang bansa nadaw ito sabi ni mama at nung isang linggo lang ito umuwi dito sa pilipinas. Pero hindi naman ganito ang itsura niya kasi noon parang lalaking-lalaki siya tulad ni luigi, pero ngayon babaing-babae na siya tignan ang sexy pa ng suot nito. Hanggang balikat niya ang blande nitong buhok pero ganun pa rin ang mukha niya kasi gwapong bakla ito dati, ang pagka-iba lang babaing-babae na siya tignan ngayon may nabago lang kunti sa mukha nito.

"Mano po nino-ninang" Pag mano ko sa kanya napayuko pa ako para abutin ang isang kamay niya muntik pa madulas ang dila ko sa pag tawag sa kanya ng ninong.

"Hindi pa rin ako makapaniwala ganito kana kalaki inaanak daig mo pa ang miss U" Manghang turan pa rin nito kaya napangiti ako sa kanya.

"Mamaya ka na mag elosyon d'yan bakla pano ba natin ikarga itong mga bagahe namin?" Sabat ni mama tila namumoblema sa mga dala namin.