Chapter 16

"Love," tawag ni Chestine sa kanyang asawang si Johan nang mapansin niyang parang balisa ito.

Kasalukuyan silang nasa kusina habang nagpapatulong siya rito na mag-luto dahil ngayon araw na ang dating ni Celeste para bumisita. Ngunit halatang-halata kay Johan ang pagiging balisa nito na tila kay lalim ng iniisip.

"Johan!" muling tawag ni Chestine sa asawa niya at sa pagkakataong ito ay may kalakasan na.

Saka lang natauhan si Johan at gulat niyang nilingon si Chestine nang tawagin siya nito sa pangalawang beses.

"Oh, love!" wala sa sariling sagot ni Johan.

"Ayos ka lang ba? Anong problema? Kanina ko pa napapansin na balisa ka, ano bang iniisip mo?" takang tanong ni Chestine sa kanyang asawa.

"Ah, wala naman. Iniisip ko lang ang mga tambak kong trabaho na naiwan sa opisina," pagbubulaan ni Johan.

"Talaga? Parang bago 'yan ah. Ngayon ka lang ata nagkaroon ng worries sa trabaho kahit na ikaw naman ang may-ari ng company ano ba talagang problema, 'yung totoo?" panguusisa ni Chestine.

Nagdudu