Katatapos lang maligo ni Chestine at saktong kalalabas niya lang ng banyo nang maabutan niya si Johan na may kausap sa cellphone habang nakatayo sa may balcony.
Papalapit na sana siya sa kinaroroonan nito nang biglang humarap si Johan at kaagad na nagpaalam sa kausap sabay ibinulsa niya ang hawak na cellphone."Sinong kausap mo?" nagdududang tanong ni Chestine at hindi nakaligtas sa mga mata niya ang tila sunod-sunod na pagtikhim ni Johan."No one," tipid na sagot ni Johan."Talaga?" sarkastikong sabi ni Chestine."Pinagdududahan mo na naman ba 'ko Ches?" tanong din ni Johan na ikinasalubong ng kilay ni Chestine."Bakit ibinaba mo kaagad ang tawag nung makita mo 'kong nasa likuran mo? Sabay nagpaalam ka rin agad sa kausap mo?" panghuhuli ni Chestine sa asawa."Love, alangan naman nandiyan ka na sa harapan ko hindi pa kita pansinin?" kunot noong sagot ni Johan.Ang pagiging selosa ni Chestine ang madalas nilang pinagaawayan. Lalo na pag may ibang kausap na babae si Johan."Babae ba 'yan o lalaki?" may pagdududa pa ring tanong ni Chestine sabay napakamot na lang sa ulo si Johan."Agency ang kausap ko kanina dahil ngayon ang dating ng nanny na kinuha ko para kay Jonas." Naiiling na sagot ni Johan.Nakahinga naman ng maluwag si Chestine dahil ang akala niya ay babae ang kausap ng kanyang asawa. Hanggang ngayon ay hindi pa rin niya maialis ang pagiging selosa niya kahit anong pigil niya sa sarili."Mabuti naman. Ang akala ko kasi—" hindi na naituloy ni Chestine ang kanyang sasabihin nang putulin siya ni Johan."Chestine, 'yang pagiging selosa mo p'wede bang paki-lugar mo? Hindi na nakakatuwa sa totoo lang. Pati trabaho ko naaapektuhan na dahil sa pag-o-over think mo. Natural lang na may makausap akong mga babae dahil hindi naman all boys ang lugar na ginagalawan ko," angil ni Johan na ikinatigil ni Chestine."Johan... " tanging pangalan na lang ng kanyang asawa ang nabanggit ni Chestine dahil iniisip niya na baka nasasakal na ito sa kanya."Nakakasawa na rin kasi Ches, palagi ka na lang gan'yan. Kada-kibot ko selos ka kaagad. Baka itong nanny na kinuha ko ay kinalaunan pag-se-selosan mo rin??" dismayadong sabi ni Johan na mas lalong nakapagpatigil kay Chestine.Hindi siya makasagot kay Johan dahil alam niya sa kanyang sarili na siya itong may mali.Akmang magsasalita na sana siya nang mapalingon sila sa pinto ng kanilang silid nang may biglang kumatok mula sa labas. Kaya naglakad si Johan patungo sa pintuan para pagbuksan kung sino ang kumakatok at sakto pagbukas niya ay bumungad sa kanya si Yaya Fei, ang nag-iisa nilang katulong sa bahay."Oh! Yaya Fei, bakit?" bungad ni Johan."Sir, may tao po sa labas ng gate. Siya raw po 'yung ipinadala ng Agency nila para maging nanny ni Jonas," imporma ni Yaya Fei kay Johan."Sige po Yaya Fei, papasukin niyo na siya at makiki-sabi maghintay siya sandali sa living room sabay na kaming bababa ni Chestine," utos ni Johan sabay tumango lang ito at tumalikod na.Isinara na ni Johan ang pinto at muli niyang binalingan ang asawang tahimik na nakaupo sa ibabaw ng kanilang kama. Nilapitan niya ito sabay niyakap niya ng mahigpit at hinalikan sa noo para aluin. Hindi si Johan ang tipo ng lalaking pinatatagal ang problema sa kanilang relasyon."Love, alam mo noon pa man kung gaano kita kamahal at araw-araw ko sa 'yo pinakikita 'yon hindi ka na nga dapat nagseselos dahil halos nasa 'yo na ang lahat ng magagandang mga katangian ng isang babaeng perpekto. Pero nagpapakain ka pa rin sa negatibo mong pagiisip which is hindi na tama," sabi ni Johan.Humugot muna ng malalim si Chestine bago niya sagutin ang sinabi ng asawang si Johan."Pakiramdam ko kasi Johan... ay may aagaw sa 'yo mula sa 'kin pagdating ng panahon," pag-amin ni Chestine."H'wag mong isipin 'yan dahil sa 'yo lang ako at akin ka lang. Kung talagang may tiwala ka sa 'kin hindi ka magiisip ng gan'yan," sabi ni Johan gamit ang malalim niyang boses.Dumako ang tingin ni Johan sa mapupulang labi ng kanyang asawa kaya naman mabilis niya itong sinunggaban ng nagbabagang halik at gumanti rin si Chestine sa halik Johan kaya naman naging mas malalim pa ang kanilang mainit na halikan hanggang sa unti-unti nang gumagapang ang kamay ni Johan sa dibdib ni Chestine at akmang tatanggalin niya na sana ang tali ng suot nitong bath robe nang maagap siyang pinigilan ni Chestine."Johan... may naghihintay sa 'tin sa baba," paalala ni Chestine na ikinahinto ni johan."I forgot! Ikaw kasi nakakagigil ka. Kaya hindi ko na mapigilan. Ituloy na lang natin mamaya kapag wala nang istorbo," pabulong na sabi ni Johan habang nakapatong pa rin sa ibabaw ng asawa."Panay ka kalokohan! Tumayo ka na d'yan at mag-aayos na 'ko susunod na lang ako sa 'yo sa baba," utos ni Chestine at kaagad namang sinunod ni Johan."Sige, sumunod ka na lang," sabi ni Johan sabay hinalikan niyang muli ang asawa at naglakad na ito patungo sa pinto at lumabas na.Pababa na ng hagdanan si Johan nang maabutan niya si Yaya Fei na kausap ang nakatalikod na babae habang nakaupo sila sa sofa ng living room.Kaagad din naman siyang namataan ni Yaya Fei at nang makita niyang papalapit na siya sa kinaroroonan nila ay mabilis siyang tumayo at ganu'n din ang babae. Nagulat si Johan nang tuluyang humarap sa kanya ang babae. Hindi niya inaasahang halos kasing edad lang pala ng asawa niya ang magiging nanny ng anak nila. Pero ang mas nakaagaw ng pansin niya ay ang maganda nitong mukha.Naupo si Johan sa isang bakanteng solo sofa sabay dumako ang tingin niya kay Yaya Fei na naghihintay lang ng utos niya."Yaya, bring me a cup of coffee at sa kanya ay juice na lang baka hindi siya nagkakape," utos ni Johan kay Yaya Fei."Sige po Sir," sagot ni Yaya Fei sabay umalis na ito sa harapan nila at muling binalingan ni Johan ang babae."Maupo ka," utos naman ni Johan sa babae at kaagad siyang sinunod nito at muling naupo.Napansin ni Johan na tila kinakabahan ito dahil panay ang pagyugyog nito ng binti kaya naman binigyan niya ito ng isang banayad na ngiti para h'wag siyang ma-tense sa kanyang presensya. Lihim namang nagulat ang babae nang nginitian siya ni Johan."Sigurado ka bang ikaw ang ipinadala ng Agency para maging nanny ng anak ko?" nagdududang tanong ni Johan dahil ang inaasahan niyang nanny ni Jonas ay 'yung may edad na. Hindi 'yung ganito kaganda at kabata.Nang mahalata ng babae ang pagdududa sa boses ni Johan ay iniabot niya rito ang hawak niyang folder na naglalaman ng credentials niya at kinuha naman ni Johan ang folder."Kung may duda po kayo sa akin p'wede niyo pong i-check ang background ko," suhestyon ng babae kay Johan.Tinignan ni Johan ang nilalaman ng folder nito at napag-alaman niya na siya pala talaga si Eunice Cassano from Legal Serve Agency."Hindi nila nasabi sa 'kin na ang bata mo pa pala. Halos kasing edad ka lang ng asawa ko," namamanghang sabi ni Johan."Ilan taon na po ang asawa niyo?" curious na tanong ni Eunice kay Johan. Hindi niya alam kung bakit gusto niyang alamin."She's 25," tipid na sagot ni Johan habang patuloy pa rin binabasa ang laman ng folder.Tumango-tango na lang si Eunice habang lihim niyang pinagmamasdan ang gwapong mukha ni Johan. Napapaisip siya kung gaano rin kaya kaganda ang asawang tinutukoy nito. Imposibleng mag-asawa ito ng hindi niya ka-level."Nagkamali lang po sila ng pag-banggit sa inyo ng edad ko kaya ang akala niyo po ay matanda ang darating," paliwanag ni Eunice."I see. So, graduate ka pala ng college sa kursong hotel and management. Bakit mo naisipan maging taga pag-alaga ng bata?" tanong ni Johan at hindi sinasadyang nagtama ang mga mata nila.Sakto namang dating ni Yaya Fei at maingat niyang inilagay sa center table ang kape at juice sabay umalis din naman kaagad."Mahilig po kasi ako sa bata Sir, kaya po ito ang trabahong napili ko ngayon. Pero dati po akong naging hotel manager sa Balana Hotel. May three years din po akong nag-trabaho doon," tapat na sagot ni Eunice."Balana Hotel? I'm the owner of that place. So, bakit hindi kita mamukhaan kung talagang sa hotel kita nagtrabaho?" nagtatakang tanong ni Johan."Hindi ko rin po alam Sir. Baka hindi niyo lang po ako na-recognize dahil sa dami na rin po ng naging manager doon," sagot ni Eunice."Siguro nga. At isa pa, ang kapatid ko nga palang si Kayden ang nag-ha-handle ng hotel na 'yon. Kaya bilang na bilang ko sa mga daliri ko kung ilang beses lang ba ako nagpunta sa sarili kong hotel," napagtantong sabi ni Johan.Hindi nila namalayan ang papalapit na pigura ni Chestine dahil abala sila sa paguusap at halos sabay silang napalingon nang bigla itong magsalita mula sa likuran ni Johan."Love, siya na ba 'yong magiging nanny ni Jonas?" malumanay ang boses na tanong ni Chestine kay Johan nang tuluyan na siyang makalapit.Ganu'n na lang ang pagkamangha ni Eunice nang makita niya ang ina ng batang kanyang aalagaan. Para pala itong dyosang bumaba sa lupa. Pakiramdam tuloy ni Eunice wala siyang binatbat sa gandang taglay nito. 'Yung tipong mahihiya ka talagang lumapit at tumabi."Oo, siya si Eunice Casson, ang magiging nanny ni Jonas," pagpapakila ni Johan kay Eunice sa kanyang asawa.Pinakatitigan mabuti ni Chestine si Eunice sabay naningkit bigla ang kanyang mga mata nang mapagtanto niya na halos magkasing edad lang pala sila ng magiging nanny ng kanyang anak kaya nagtataka niyang binalingan si Johan."Johan, ang akala ko kasing edad lang ni Mama ang kukunin mo. Hindi mo naman nabanggit sa 'kin na around age lang pala natin," sarkastikong puna ni Chestine.Napansin din ni Chestine magandang mukha ni Eunice at ang makurba nitong katawan suot ang hapit na dress. Hindi maiwasan mainis ni Chestine dahil sa uri ng pananamit nito. Dahil hindi akma ang suot niya sa lugar na kanyang pinuntahan at higit sa lahat, hindi akma para sa mga mata ng asawa niya dahil kahit siya mismong babae ay alam niyang nakakaakit talaga ang suot nito."Love, hindi ko nga rin alam. Ang sabi niya ay nagkamali lang daw ang agency niya about her age," paliwanag ni Johan dahil alam niya kung
Kinabukasan ay kasalukuyang naghahanda si Chestine ng breakfast nang biglang tumunog ang door bell. Wala si Yaya Fei dahil inutusan niya itong mamalengke at si Johan pumasok na sa office kaya naman dalawa lang silang naiwan ni Jonas sa bahay.Tinanggal na muna ni Chestine ang suot niyang apron at saka siya naglakad patungo sa labas ng gate para tingnan kung sinong nag-do-door bell. Pagbukas na pagbukas niya ng gate ay biglang umaliwas ang mukha niya nang bumungad sa kanya ang brother in law niyang si Kayden. "Kayden! Ang akala namin next week ka pa darating?" gulat na tanong ni Chestine sabay kaswal niya itong niyakap. Gumanti rin ito ng yakap sa kanya at agad din naman humiwalay."Hindi na kasi ako makapaghintay na makita ang gwapong-gwapo kong pamangkin. Ang tagal na kasi nung huli ko siyang nakita baby pa siya that time," magiliw na sagot ni Kayden na bahagyang ikinahagikgik ni Chestine."Sandali lang, lalawakan ko ang bukas ng gate para makapag-park ka sa garahe ng kuya mo," sabi
"Naiintindihan kong hindi kayo ang tipo ng taong mabilis magtiwala pero patutunayan ko na mapagkakatiwalaan niyo ako sa lahat ng bagay," determinadong sabi ni Eunice.Hindi na muling nagsalita pa si Chestine sabay tumalikod na lang at tahimik nang nagpatuloy sa paglalakad hanggang sa narating na nila ang magiging silid nito."Ito ang magiging kwarto mo," turan ni Chestine kay Eunice sabay binuksan ang pinto.Nauna nang pumasok si Eunice sa loob at nilibot niya ang kabuuan ng silid. Maliit lang ang espasyo pero maayos naman at malinis."Nasa kabila lang ang kwarto ni Jonas, bandang kanan para malapit ka lang sa kanya," imporma ni Chestine at tahimik na inoobserbahan kung paano ito gumalaw at kumilos."Sige po ma'am," sagot ni Eunice at sabay ipinatanong sa ibabaw ng kama ang dala niyang dalawang malaking bag."Kung may kailangan ka h'wag kang mahiyang magsabi sa 'kin at kung gusto mong kumain bumaba ka lang open sa lahat ang kitchen," sabi ni Chestine.Wala sa loob na napatitig si Eunic
"Dahil first day mo naman, magpahinga ka na muna kami na bahala sa anak ko hanggang sa masanay na siya sa presensya mo," pabibigay konsiderasyon ni Chestine sa bagong nanny."Sige po ma'am, muka nga talagang kailangan niya munang mag-adjust base sa ikinilos niya kanina," sabi ni Eunice at ipinagpatuloy na ang pagkain."Mabuti na lang nandito si Kayden at least my son will feel relaxed and comfortable with his presence habang nag-a-adjust naman siya sa 'yo," sabi ni Chestine habang pinagmamasdan ang reaksyon ni Eunice."May gusto lang po akong itanong sa inyo ma'am," nagaalangang sabi ni Eunice at sandali siyang huminto."Ano 'yon?" tanong ni Chestine."Hindi po ba makakaapekto sa trabaho ko ang nalaman niyo tungkol sa 'min ni Kayden? Baka kasi isipin niyo—" hindi na naituloy ni Eunice ang gusto niyang sabihin nang magsalita si Chestine."Wala naman akong pakialam sa namagitan sa inyo ng brother in law ko, as long as ikaw na nanny ng anak ko ay magagampanan mo ng maayos ang trabaho mo.
"I'm home!" bungad na sabi ni Johan.Kauuwi niya lang galing sa nakakapagod na trabaho at kaagad na hinanap ng mga mata niya ang kanyang mag-ina sa paligid ngunit hindi niya nakita ang mga ito at sa halip ang bumungad sa kanya ay ang kapatid niyang si Kayden na pababa ng hagdanan. Nagtaka siya dahil ang alam niya ay next week pa ito uuwi."Kayden! Akala ko next week ka pa uuwi?" gulat na tanong ni Johan nang salubungin niya ito.Saka lang napansin ni Kayden ang kuya niya nang lapitan siya nito kaya naman kapwa pa silang nagkagulatan pareho."Oh! Kuya nandiyan ka na pala! Oo, kaninang umaga pa ako dumating at si ate Chestine ang naabutan ko," sagot ni Kayden kay Jonas."I see, so bakit nga napaaga ka ng uwi rito sa bahay namin ng ate Chestine mo? May naging problema ba?" nagtatakang tanong ni Johan."Mamaya ko na lang iki-kwento magbihis ka na muna tapos inom tayo," sabi ni Kayden at sabay siniko sa braso si Johan."Muka ka talagang alak! Pero sige na nga at pagbibigyan kita tutal ngayo
"So, p'wede mo na bang sabihin sa 'kin kung bakit napaaga ang uwi mo? Anong problema?" tanong ni Johan sa kapatid niyang si Kayden.Kasalukuyan silang nakaupo sa tapat ng isang mini bar sa loob ng bahay malapit sa kusina habang nakaupo at kapwa parehong may hawak na baso na naglalaman ng alak. Nakatingin si Johan sa kapatid na panay lang ang tungga."Easy, mukang malaki ang problema mo ah? Para kang may lakad kung makatungga ka," puna ni Johan kay Kayden at nginisihan lamang siya nito."Kuya, hinahabol kasi ako ng mga babaeng nagawan ko ng atraso gusto nilang pakasal sa 'kin kahit one night stand lang naman ang nangyari sa 'min." Naiiling na sabi ni Kayden.Dumako ang tingin ni Johan sa isang manipis na papel na nakapatong sa ibabaw ng lamesa at kinuha niya ito at ibinilo sabay inihampas sa ulo ng kapatid."Aray! Para saan 'yon??" asar na tanong ni Kayden sa kanyang kuya na seryosong pa ding nakatingin sa kanya."Seryoso akong nagtatanong tapos dadali ka ng mga kabaliwan mo. Nakailang
Maagang nagising si Chestine at dumako ang tingin niya sa asawang mahimbing pa rin na natutulog. Linggo ngayon kaya wala itong pasok sa office. Hindi alam ni Chestine kung anong oras na natapos sina Johan at Kayden kagabi dahil nauna na siyang nakatulog matapos niyang ilipat si Jonas sa sarili nitong silid. Tumayo na siya at sandaling pumasok sa banyo para mag-ayos ng sarili at mayamaya lang ay lumabas na rin siya at tumungo sa sa silid ni Jonas. Gising na ito nang maabutan niya.Hindi muna lumapit si Chestine kay Jonas at naisipan niya muna itong panuorin. Halatang kamumulat lang ni Jonas habang nakaupo sa ibabaw ng kama at kinukusot ang mga mata. Dumako ang tingin ni Jonas sa tapat ng pinto nang mapansin niya ang nakatayong pigura ng ina."Mommy! Good morning!" masiglang bungad ni Jonas sa kanyang mommy at saka lang lumapit si Chestine sabay binigyan ito ng isang mahigpit na yakap."Good morning too, sweetie. How's your sleep? Did you sleep well?" Nakangiting sabi ni Chestine kay
"Eunice," tawag ni Chestine sa pangalan ng nanny ni Jonas nang maabutan niya itong naghihintay sa living room gaya ng inutos niya.Kaagad namang nag-angat ng tingin si Eunice nang marinig niyang tinawag ni Chestine ang pangalan niya."Ma'am," tawag din ni Eunice kay Chestine.Akmang tatayo sana siya para salubungin ito ngunit senyasan lang siya nito na h'wag nang tumayo."Paguusapan natin ang tungkol sa nanny duties mo kay Jonas," panimula ni Chestine.Tahimik lang na naghintay si Eunice sa susunod na sasabihin ni Chestine sa kanya."As you can see, Jonas is hard headed but he is sweet and kind like his Daddy Johan. So, I want you to try your best to gain his trust," sabi ni Chestine.Nauunawaan ni Eunice ang ibig iparating sa kanya ni Chestine. Paano nga naman niya magagampanan ng maayos ang trabaho niya kung 'yung batang kanyang aalagaan ay ayaw naman kanya."Naiintindihan ko po, ma'am. Makakaasa kayo," may paniniguradong sabi ni Eunice."Isipin mo na lang, this will be your first ta