MRF 6: First Kiss&Makeout

¤Katerina¤

Nang sumunod na araw ay nagkayayaan silang mga dalaga't binata na maligo sa dagat bilang pampalipas oras. Akala ni Katerina ay si Achilles na ang susundo sa kanya dahil maayos na naman silang dalawa pero si Rico ang kumatok sa pintuan.

"Yayayain sana kitang sumama na maligo Katerina," bungad ng binata.

"Uh… Pasensya na Rico baka kasi dadating si Achilles, sa kanya na lang ako sasabay," magalang niyang tanggi.

Nakita niya ang nakakalokong ngisi ni Rico sa sinabi niya "Wag ka ng umasa na susunduin ka niya Katerina, masaya na silang nagtatampisaw ni Louella doon."

Bigla siyang nakaramdam ng inis at pagkadismaya. Napabuntong hininga na lang siya at napilitang sumabay sa binata. Sinubukan ni Rico na magbukas ng usapan pero nawalan siya ng ganang magsalita kaya pinili na lang nitong manahimik.

Pagkarating nila sa lugar ay hindi nga nagsisinungaling si Rico, naroon si Louella kasama si Achilles at nagtatawanan pa ang dalawa na para bang sila lang ang tao sa paligid. Mas lalo siyang