3

“Ano ba masarap lutuin, ah adobo, teka, masarap yon pag matagal bago kinain, bibili din ako ng bacon, hotdogs, tapa na rin, ito, itlog.” Para akong tanga sa supermarket, habang nakatingin sa listahan ko.

Buti na lang sanay ako gumamit ng maps, at mahusay ako sa direction, hindi na ko naligaw papunta dito, isang sakay lang naman ng jeep, nagtagal lang ako bago makarating dahil sa walang kamatayan na traffic.

Tinignan ko ang pushcart ko, ang dami nang laman, kaya ko ba buhatin to? Bahala na, basta napamili ko, sanay naman ako mamalengke, pero grabe, ang mamahal dito, tapos bawal tumawad, kanina pa nangangati bibig ko sabihin na “Ate, bente na lang to?” kaso syempre, ako lang ang mapapahiya. Hay.

Para sa breakfast, may bacon, may hotdogs, may ham, tapa, may egg, sa lunch at dinner, good for five days lang, kumuha akong rekado para sa adobo, sweat and sour, kaya may meatballs ako, beef steak, tokwa’t baboy na rin, kumuha din ako ng ilan sa mga nakita ko na wala na sa bahay, gaya ng mga pang laba, shampoo, hinanap ko na lang yung brand na katuald ng nasa condo, just in case na may certain allergy ang boss ko, hindi magiging problema.

“That would be, twelve thousand, and two hundred seventy eight, would you like to pay in cash?” tanong ng cashier sakin, umiling ako at inabot ang credit card sa kaniya, medyo nagulat siya sandali, bago ngumiti at kinuha ang card na iniabot ko.

Tatlong box, at anim na plastic, buti na lang, magaling mag pack yung bagger kanina, kaya ko dalin lahat to, nilagay ko muna sa pushcart, hanggang sa makalabas ako, kinuha ko ang dalawang box at isinabit sa braso ko ang tig-tatlong plastic. Sa harap ng jeep ako sumakay para wala akong maabala.

Nang makauwi ako, hindi na ko nagsayang ng oras, at inayos ko na ang mga binili ko, nagpahinga muna ako sandali, ang sakit sa braso, ang bigat, grabe.

Naramdaman ko na nag vibrate ang cellphone ko, kaya madali ko itong kinuha at bunuksan, may two messages galing kay tatay, at tatlo galing kay Cris.

‘Magpadala ka ng pera sa katapusan, para naman may pakinabang ka’

‘P*****a ka, wag kang mayabang, kung di dahil samin ng nanay mo, wala ka, kailangan mo sukian yon’

Sa message pa lang ni tatay, naiiyak na ko, parang tinutusok ang dibdib ko sa sakit, masakit nag anito ang mababasa mo galing sa magulang mo, pinipilit mo buhayin, kahit kaya naman nila magtrabaho. Bakit naman ganito? Deserve ko ba to?

Hindi ko na binuksan ang message ni Cris, dahil baka lalo lang ako masaktan, kung ituring nila ako parang hindi nila ako pamilya, panganay ako, pero parang katulong at atm machine ako sa mga mata nila. Hirap.

                                                                        --

“Ayaaan, ang ganda na sa mata.” Inayos ko ang mga gulay sa vegetable stall, nilagay ko sa chiller ang mga process food, ang mga meat nasa freezer, iniwan ko lang ang mga lulutuin ko, dalawang ulam na. beef steak at adobo, masarap kasi yon lalo pag na-stock ng matagal, nanunuot ang lasa.

Hiniwa ko na ang bawang, sibuyas, buti na lang may natirang beef kahapon, at naisipan ko ibabad, nakamarinate na yon sa toyo, calamansi at paminta, inilabas ko na sa ref, ipiprito ko muna yon, tsaka ko lalagyan ng sauce.

“Aray! Aray! S***a! Sandali! Lintek na ilansik!” para kong tanga umiiwas sa ilansik, ang sakit kaya mag prito ng baboy, “Ah pucha! Aray! Ayoko naa!” halos pasigaw na ko, at binitiwan ang takip ng kawali kainis.

Nilagyan ko ng toothpaste mga nailansikan sa akin bago itinuloy ang pagluluto, hindi ko alam kung kelan uuwi ang boss ko, pero ayos na rin na may pagkain sa ref, isa sa mga bilin nung assistant yon, kailangan ko gawin.

Isang oras din ako nagluto. Four barner naman ang kalan kaya hindi naman ako nahirapan, medyo nanibago lang ako, dahil first time ko gamitin, pero kalan pa rin naman yan, lutuan.

Nilinis ko ang pinaglutuan ko, at hinugasan ang mga ginamit ko, inilagay ko na rin sa trash bin para maihabol sa pagkuha ng basura, mabilis lang ako, baka makita nanaman ako ni tita maritess, baka mag umpisa na siya mag chismis, hindi ko na alam paano makakaalis.

Tinignan ko ang wall clock sa sala, grabe, alas otso na pala? Kaya pala pagod na pagod na ang pakiramdam ko, napagpasyahan ko na maligo muna, may sarili naman akong kwarto, kaya ayos lang, may cr din don, parang guest room ang itsura.

“Sarap maligo.” May shower pa, ang sosyal talaga, sa probinsya namin, tabo at timba lang, tapos alasingko ng umaga ka maliligo, para ko binubuhusan ng tubig, tapos dito may heater pa, ang sosyal ng condo na to.

Sinuot ko na ang ternong pajama ko, habang tinutuyo ko ang buhok ko, nilock ko ang pinto, pati na rin ang mga glass window, tumambay ako sandali bago napagpasyahan na matulog, hindi ako nag iwan ng ilaw, saying sa kuryente, at pumasok na ko sa kwarto ko.

Tinignan ko ang cellphone ko, hindi ko alam kung dapat ko ba talagang buksan ang message ni Cris, baka katulad lang din siya ng sinabi ni tatay. Hay. Hayaan na nga.

Tinignan ko ang unang message niya, ‘Ate’ iyon ang una niyang message sakin, kaya kumunot ang noo ko.

‘Sorry samin nila tatay at nanay. Simula bata ka, problema mo talaga kami lahat, nabuntis pa ko.’

Hindi ko napigilan ang pag patak ng mga luha sa mata ko, sana pala, kanina ko pa binasa to, sana Nabawi yung sinabi ni tatay.

‘Sorry, ginastos ko pang tuition ko, hindi ko gusto ang anak ko, ayoko nito, pero nadadamay iba. Sorry, mag iingat ka dyan, sorry sa sinabi ko.’

Napangiti na rin ako dahil don, huminga ako ng malalim at pinatay ang phone ko, tsaka nahiga, may aircon dito, kaya kailangan ko magkumot, ayoko naman magising dahil sa init. Ang lambot ng kama, pero mag isa ko, well, ganito rin naman sa bahay. Pero kailangan ko magtrabaho ng maigi, para sa magiging anak ni Cris.

                                                                                           ---

Naalimpungatan ako nang may marinig na tunog ng bakal na nag tatami, May tao? Tinignan ko ang oras sa stand clock sa gilid ko, alastres pa lang ng umaga, agad na tumambol ang puso ko sa sobrang kaba, may nakapasok sa bahay, hindi naman siguro uuwi ng ganito ang boss ko.

Kinuha ko ang walis sa gilid ng pinto, at dahan dahan itong binuksan, walang ilaw, pero alam ko na may gumagalaw, damang dama ko ang malamig na pawis sa noo ko, second day ko pa lang, pero may magnanakaw na agad, putek, paano pag may kutsilyo to at sinaksak ako?

Bahala na.

Naglakad ako papalapit sa kung saan nanggagaling ang tunog, sa kusina,

1, 2, 3, “Ahhhh!!1 magnanakaawww!” sigaw ko at hinampas ang tao sa harapan ko

“Aray! Aray! Shit!” lalaki?! Lalaki ang magnanakaw?! Shit! Shit!

“Pangalawang araw ko pa lang dito, ikaw ang magpapalayas sa akin sa trabaho kooo!!!” sigaw ko pa rin habang hinahampas sya ng walis! Walanghiya!! “Sa iba ka magnakaw! Wag dito! Pashneaaa!!”

“Wait! Aww! What the fuck! Aww! Stop! God damn it! Light’s on!” sigaw niya, at isang Segundo lang ay lumiwanag ang buong paligid, naiwan sa ere ang hampas na dapat ibibigay ko sa kanya.

Isang matangkad na lalaki ang bumungad sa akin, nakasuot pa siya ng three-piece suit, pero may dugo ang ilong niya, at may kanin pa sa bibig.

“S-sino k-ka? Sino ka, ha?! Bakit ka nandito?! Bakit ka kumakain dito?! Para sa boss ko yan! Hindi sa’yo! Ha!” lakas loob na sabi ko.

“What the fuck? Of course, I’m eating because I’m hungry, and what the fuck? Of course I’ll be here, this is my house!”

Ha?

Sya daw may ari ng b—agad na nanlaki ang mata ko nang marealized ko ang sinabi niya ngayon lang. shit. Siya ba boss ko?! Putek!