Kabanata 27

Tinignan niya ako mula ulo hanggang paa. “Nabasa ka pa.”

Hindi ko pinansin ang panenermon niya. Tinaas ko ang damit niyang hawak ko na ngayon habang diretso ang tingin sa kaniyang mukha.

“P-Para saan 'to?”

“Wipe your body. Basang-basa ka.” Tinutukoy ng lalaki ang mga hita ko pababa sa paa ko at pati na rin ang mga braso ko.

Nagpakawala ako ng isang malalim na hininga bago umiling. “Isuot mo ulit 'to, Arden. Ang lamig-lamig.”

Paano niyang nagawang maghubad? Ramdam na ramdam ko na nga ang lamig ng hangin na dumadampi sa balat ko na dala ng malakas na ulan.

Muling umupo si Arden na tila walang narinig. Kumportableng sumandal ang lalaki sa likod ng upuan at pinaghiwalay ang dalawang hita habang inaabot ang bote ng alak mula sa lamesa. Uminom siya mula ro'n habang nakatingin sa akin.

“Magpupunas ka o ako ang magpupunas sa 'yo?” he asked using his rough voice.

Bumagsak ang parehong balikat ko nang mas lalo pang lumakas ang ulan.

“Hintayin mong kumalma ang ulan bago ka bumalik. Baka magka