Chapter 55: Office Affairs

Chapter 37: Office Affairs

WALA ng nagbago sa rotation ni Eunice sa bawat araw na darating para sa kanya—gigising, pagsisilbihan si Stefan, tatanggapin lahat na masasakit na salita, pananakit, pang-aabuso, sapilitan na pakikipagtalik, iiyak at matutulog. Sa bawat araw na iyon ay pinipilit niyang mabuhay kahit sobrang nahihirapan na siya—kahit na sobrang naaawa na siya sa kanyang sarili at sobrang nasasakal na sa kanyang dinaranas na halos umabot sa puntong gusto niya nang mamahinga ng tuluyan. Ngunit, takot at ang batang nasa kanyang sinapupunan ang tanging pumipigil sa kanya.

Tulad ng dati, naiwan na naman siya sa bahay at ang tanging karamay at ang nakakausap ay ang telebisyon at radyo. At dahil tapos na siya sa kanyang mga gawain ay napagpasyahan niyang buksan ang telebisyon para malibang at mapawi ang kanyang pagod na nararamdaman. Nagsimula siyang maghanap ng palabas sa tv hanggang sa nakita niya ang isang medical drama na ‘The R