Kabanata 2

Nablanko ang isipan ni Cordelia. Naramdaman niya ang mainit na dibdib ng lalaki na dumikit sa kanyang likod. Naririnig din niya ang malakas na tunog ng pagtibok ng puso ng lalaki. Hinawakan siyang maigi ng lalaking nasa ibabaw niya, at sinubukan niyang huminga ng malalim ngunit hindi pa rin niya maiunat ang naninigas niyang mga braso.

Biglang huminto ang lalaki.

"Alam mo ba kung sino ako?"

Napahinto si Cordelia.

Gustong sabihin ng lalaki na siya ang asawa niya at ito ang gabi ng kanilang kasal. Walang masama na gawin nila ito bilang mag-asawa.

Sa kabila nito, niliteral ni Cordelia ang kanyang tanong at nahihiyang sumagot, "Oo… Ikaw si Marcus Grist."

Naningkit ang mga mata ng lalaki at ngumisi siya. Marcus Grist… Hah, dapat ba siyang matuwa na alam niya ang pangalan na 'yun? Pasensya na lang sa kanya hindi siya si Marcus Grist—at hindi siya si Yelena Jenner.

Mula noong pumasok siya sa pinto na iyon, alam na niya agad na isa lang siyang substitute. Hindi niya alam kung bakit, ngunit hinding-hindi hahayaan ng tagapagmana ng mga Jenner na ikasal siya sa isang mahirap na probinsyano.

Pero ayos lang. Isa siyang stand-in bride, at pinakasalan niya siya habang nagpapanggap bilang ibang tao. Patas lang sila.

“Marcus…”

Nagising ang lalaki mula sa kanyang pag-iisip. Pagtingin niya sa baba, tumingin siya sa makikislap niyang mga mata. Ang mahinhin at nahihiyang ekspresyon ng babae ay parang isang kamay na nakakapit sa kung anong bagay sa kaloob-looban ng kanyang puso.

"Pasensya na, kinakabahan ako." Kinagat ni Cordelia ang kanyang labi at sinubukan niyang ilagay ang kanyang mga braso sa leeg ng lalaki.

"Ikaw ang asawa ko. Walang masama kung may gusto kang gawin sa'kin… M-Magsimula na tayo."

Pinagpawisan ng malamig ang tungki ng kanyang marikit na ilong. Lumapit siya sa kanya ngunit nanginginig siya sa sobrang kaba.

Kumabog ang puso ni Marcus. Noong hahalikan na ni Cordelia ang kanyang mga labi, kahit na hindi niya alam kung anong ginagawa niya, biglang hinawakan ni Marcus ang kanyang kamay at dumistansya siya sa kanya.

Nagulat si Cordelia. Namumula pa rin ang kanyang mga pisngi at napuno ng pagkalito ang kanyang mga mata.

"Kalimutan mo na 'yun." Ang sabi niya, habang nakatingin siya sa kanya. "Pagod ka din ngayong araw. Matulog na tayo."

"Marcus, ano—"

"Sa tingin ko kailangan mo ng oras para makapag-adjust. Hangga't hindi ka pa sanay sa pagkakaroon ng asawa, hindi kita pipilitin." Ang sabi niya bago siya tumalikod.

Natulala si Cordelia habang pinagmamasdan niya ang likod ng lalaki. Pagkatapos, noong nakatulog ang lalaki, pinagmasdan niya siyang maigi.

Gwapo siya kapag tulog siya. Makinis ang kanyang mukha, at lalaking-lalaki ang kanyang mga kilay. Nakaunan ang kanyang ulo sa maskulado niyang braso, at namula ang mga tainga ni Cordelia dahil sa maskulado niyang katawan.

Naramdaman ni Cordelia na kumabog ng malakas ang kanyang puso at agad siyang tumalikod. Di-nagtagal ay nakaramdam siya ng antok, at ang isip niya ay pinuno ng mga pang-iinsulto ng kanyang stepmother at ni Yelena bago ang kanyang kasal.

Sinabi nila sa kanya na ang mga Grist ay kaibigan ng kanilang pamilya at totoong mayroong kasunduan sa pagitan nila. Subalit, nagtago ang mga Grist sa isang nayon sa probinsya mula noong pagbagsak nila at hindi maganda ang lagay nila. Ang anak ng mga Grist ay isang walang kilalang kwentang sanggano, at sinasabi na madalas siya sa estasyon ng pulis…

"Bakit ako magpapakasal sa isang sanggano?" Suminghal si Yelena. "Mas bagay ka sa kanya. Ilang lalaki na rin naman ang nagkama sa nanay mo, at bastardo ang kapatid mong lalaki!

"Nararapat lang sa isang gaya mo ang isang sanggano!"

"Cordelia, pag-isipan mo ito," Ang malamig na sinabi ng ama ni Cordelia. "Bibigyan kita ng pera basta't papakasakan mo si Marcus Grist kapalit ni Yelena, at magagawa mong ipagamot ang iyong ina."

Ininsulto ng kanyang stepmother si Cordelia. "Isang karangalan para sa'yo ang maikasal bilang ikalawang tagapagmana ng mga Jenner, p*ta ka! Huwag ka nang magmataas!"

Biglang nagising si Cordelia, nalaman niya na umaga na at wala na ang lalaking katabi niya.