CHAPTER 56: The leader

I WAS right. Raddix planned everything. Hindi sasabak sa gyera ang lalaking 'yon ng hindi handa. Kulkulado niya lahat, maski ang magiging kilos ng kalaban. Bakit nga ba hindi ako nasanay sa ganitong estilo niya? 

"Tara na, kailangan na nating magmadali," usal ni Klyton at muling hinawakan ang pulsuhan ko. Hinayaan ko lang itong hatakin ako. 

Nang makarating sa sasakyan niya'y nadatnan namin doon ang isang lalaki, nakasandal sa may kotse habang humihithit ng sigarilyo. Tila mas lalong sumakit ang ulo ko nang makilala kung sino 'yon. 

"Anong ginagawa ng unggoy na 'yan dito?!" singhal ko dahilan para mabaling ang tingin niya sa'min ni Klyton. Umalis naman ito sa pagkakasandal at pailing-iling na itinapon ang sigarilyo. 

"Alam mo bang ikaw lang ang taong kauna-unahang nanlait sa'kin?" aniya at tinapunan ako ng nakamamatay na tingin. "Tapos ihahalintulad mo pa ako sa unggoy?! Alam mo bang pinag-aagawan ang mukhang 'to?!" 

Napang