Kabanata Veinticuatro

SA UMAGANG ‘yun ay paalis si Scarlette at Olga upang magtungo sa lugar kung saan kasalukuyan ‘daw’ nakatira si Hipolito Bautista. Kamakailan kasi’y nakausap nila ang malayong kamag-anak nito at nasabi nga kung saan naninirahan si Hipolito.

“Hindi ba muna natin sasabihan si Kurt, Captain?” ani Olga. Nasa hagdanan sila’t pababa na ng building.

“Imi-message na lang natin. Kababalik niya lang kaninang madaling araw, kaya ‘wag na nating istorbohin.”

Tumango si Olga saka nagpadala ng mensahe kay Kurt. Matapos ay saka sila umalis sa lugar sakay ng kotse.

Ilang oras ang nilakbay nila nang sa wakas ay nakarating na rin sa destinasiyon. “Ito na ba’ng address?” tanong ni Scarlette matapos bumaba sa sasakyan.

“Ito na nga, Captain.” Pagkumpirma ni Olga na lumabas din matapos iparada ang sasakyan sa tabi ng bakanteng lote. Narito sila ngayon sa isang maliit na baranggay sa dulong bahagi ng siyudad.

Kapansin-pansin ang isang babae na nagwawalis sa bakuran ng bahay.

“Magandang araw ho!” ang taw