24 Drawer

Charlotte's POV

Nakatitig lang siya sa hawak niya na tinapay nang biglang sumulpot si Elisse sa gilid niya.

"Baka pati 'yan matunaw sa pagkakatitig mo."

Habang hawak ang tianapay ay binaba niya ang kamay niya at maliit na ngumiti kay Elisse. Tumaas naman ang kilay nito.

"Kay Elijah galing?"

"Oo."

Mas lalo pang tumaas ang isang kilay nito na aabot na ata hanggang sa hairline nito.

"Sweet pala siya, akala ko puro kasungitan lang ang alam. Mabuti 'yon para lapitan naman siya ng langgam."

Pumaling ang ulo niya. "Masakit 'yon pag nakagat ng langgam."

"Hayaan mo siya kung makagat man siya ng langgam. Manhid kasi minsan kaya mas okay na makaramdam naman siya ng sakit."

"Totoo ba ang sinabi ni Elijah kanina kaya ka nandito?" bigla niyang tanong.

Nawala ang pagkamataray na mukha nito, napalitan ng lungkot.

"Yes."

"Bakit tinataguan mo siya kung may gusto naman pala sayo?" tanong niya habang nakakunot ang noo.

Ngumiti ito na hindi kita ang ngipin. "May iba't-ibang kahulugan nag pagkagusto, Char