Chapter 51- Decision

DUMATING ANG araw kung saan ay kailangan na ring magdesisyon ni Rosette. Aaminin niyang ilang araw niya rin itong pinag-isipan, matapos sumubok muli ni Levi na manligaw sa kaniya ay siyang pagbabalik naman ni Fifth sa kanilang buhay ni Baby Seven. At dahil doon ay napagtanto niya kung sino ang mas matimbang sa puso niya.

"Levi, magkita tayo mamaya." Iyon ang mga tinipa niya sa screen ng kaniyang cellphone bago pa man muling magsimula ang araw niya sa trabaho.

Matatandaang nakakailang puntos na rin si Levi simula nang magpatuloy ito sa panliligaw at minsan niya na ring kwinestyon ang kaniyang sarili sa tunay na nararamdaman niya sa binata.

"Sigurado ka na ba talaga sa desisyon mo? As in-- final na?" paniniguro sa kaniya ni Julianna habang sabay silang kumakain no'ng lunch break. Silang dalawa lang ngayon ang magkasama dahil nataong day off ni Mikaela.

Sinentro niya ng tingin si Julianna at sinabi, "Oo, Juls, sigurado ako."

Narinig niya ang mahinang pagbuntong hininga ni Julianna bag