KABANATA 8: The Rules of Staying Married

Sumikat ang araw na tila walang pakialam sa mga nangyari kagabi.

Dahan dahang sumingit ang liwanag sa pagitan ng mga kurtina, gumuhit sa dingding, sa sahig, at sa hubog ng kama kung saan nakahiga si Zoey pagod ang katawan, mabigat ang dibdib, at magulo ang isip.

Ang unang malinaw na sensasyong bumungad sa kanya ay ang bigat ng isang braso sa kanyang baywang.

Nanikip ang kanyang panga.

Napapikit siya, hindi dahil sa antok, kundi sa inis at pagod na tila umabot hanggang buto. Ang init ng balat ni Jasper ay naroon pa rin hindi na kasing bigat ng kagabi, ngunit sapat upang ipaalala sa kanya ang mga hangganang halos mabura.

“No more,” mahina ngunit matigas niyang sabi.

Hindi siya gumalaw, ngunit ramdam niyang bahagyang humigpit ang kapit ng lalaki, parang may takot na bigla itong mawawala kapag binitawan.

“Just let me hold you while I sleep,” bulong ni Jasper.

Paos ang boses nito hindi ang malamig at kontroladong tinig na sanay siyang marinig, kundi isang tunog na puno ng pagod at kawalan.