Chapter 4

Tulalang-tulala si Cassandra habang nakatingin sa daliri niyang may suot na gintong singsing na may malaking bato sa gitna. She’s finally married. Pakiramdam niya ay nanaginip pa rin siya, ngunit nang makita ang singsing na nasa daliri niya, alam niyang kasal na talaga siya at wala na siyang takas.

“All of our photos are already in the media,” kalmadong sabi ni Theo habang nakaupo sa sofa at abala ang paningin sa laptop nito. “Tomorrow, it will be posted. Bukas na bukas ay uuwi na rin tayo sa Manila,” dagdag pa nito.

Napasinghap si Cassandra at naupo nang maayos. “You think… this will be successful?” concern niyang tanong.

Kumunot ang noo ni Theo at umangat ang tingin nito sa kanya. “What do you mean?”

“Our marriage,” she confessed. Aminado si Cassandra na natatakot siya. Alam niya sa sarili niya na ang goal niya ay ang maramdaman ni Leon ang mga naramdaman niya, but at the same time, natatakot siya na baka maulit ang panloloko na ginawa sa kanya. But this time, kasal na siya. Hindi man niya mahal si Theo, asawa niya na ito.

She became a Hernandez not because of Leon, but because of Leon’s uncle.

“I honestly don’t think about that. Kinasal tayo, legal ang kasal nating dalawa. Kahit anong gawin nila, legal na kasal tayo. Makukuha ko ang lahat ng mana at maipapakita mo sa ex mo na hindi siya kawalan,” seryosong saad nito. “And I am willing to do everything to protect you, Darling… Hayaan mo ang iba, just focus on our marriage first, okay?” sabi pa nito at ngumiti nang malaki.

Tumango na lamang si Cassandra at nahiga sa kama. Sa gilid niya ay ang iPad niya. She was scrolling through their wedding photos. They had a fast beach wedding. Alam ng ate niya ang tungkol sa kasal at ito ang witness niya, habang ang isang kaibigan ng kanyang asawa ay inimbitahan din. Sila-sila lang at walang nakakaalam na iba. Kailangan nilang gawin iyon para may maipakita silang kasal sa media.

Kinabukasan ay maaga silang gumising dahil uuwi na sila sa Manila. Cassandra was very surprised dahil sinundo sila ng chopper. She was surprised that her husband is rich, very rich.

“Don’t bother,” awat sa kanya ni Theo nang akmang bubuksan niya ang kanyang cellphone. Hinawakan ni Theo ang kamay niya habang nasa loob sila ng sasakyan. Pauwi sila ngayon sa bahay ng dalaga. She was scared and nervous. Kanina pa dinudumog ng tawag ang cellphone niya. Their wedding photos and articles are already released. Hindi niya alam kung ano ang ginawa ng asawa niya, basta sa lahat yata ng platform ay mabilis na kumalat iyon.

Her husband is a very wealthy, famous, and well-known businessman. Hindi niya man lang nalaman iyon kundi pa siya magse-search, kaya hindi na siya nagtataka kung bakit ang dami ng nagulat na kinasal ito. Galing si Cassandra sa mayamang pamilya, pero hindi siya gaanong kilala sapagkat sa kanilang magkakapatid, siya ang palaging hindi kasali. Madalas ay itinatago siya. She’s not into the spotlight, kaya ayos lang. Ngunit ngayon, hindi na niya alam.

“Darling, are you okay?” nag-aalalang tanong ni Theo sa kanya. Marahan siyang hinapit at niyapos sa baywang. Inihilig nito ang ulo ng dalaga sa dibdib nito. “What’s bothering you?”

Umiling si Cassandra at hinayaan na lamang ang sarili na sumandal sa asawa. Ayaw na muna niyang mag-isip ng kung ano-ano; mas gusto na muna niyang matahimik.

Nang makarating sila sa bahay ni Cassandra, malakas na sampal ng kanyang ina ang bumungad sa kanya. Napayuko siya at nanigas sa kinatatayuan.

“Wala ka na bang ibang gagawin kundi kahihiyaan?! Niloko mo si Leon tapos nagpakasal ka bigla?! Hibang ka na ba?!” galit na galit na sigaw ng ina niya. Sa likod nito ay ang kanyang ate na inaawat ang kanilang ina. “Ano?! Malandi ka ba talagang bata ka?!”

“Enough!” sigaw ni Theo at mabilis na itinago ang asawa sa likuran niya. “We came here so we can tell you about our marriage, pero kung sasaktan niyo ang asawa ko ay aalis na kami,” malamig nitong sabi at mariing tiningnan ang pamilya ni Cassandra. “Did you even ask your daughter?”

“Bakit ko tatanungin?! Si Leon na mismo ang nagsabi! Nagloko ang malanding iyan! Hindi man lang nahiya sa mga Hernandez!” sigaw ng ina ni Cassandra. Mariing umigting ang panga ni Theo sa narinig.

Theo respected his wife so much. Even if their marriage was planned and for convenience, hindi siya papayag na sasaktan o mababastos ang asawa niya.

“Your daughter did not cheat! Siya ang niloko ng siraulo kong pamangkin! I am a Hernandez too! Kung gusto niyo pala ng Hernandez, I am here. I am the heir and my wife carries my surname already. She’s a Hernandez now,” mariin niyang sabi. Hinawakan niya ang kamay ni Cassandra nang mahigpit. “We are just here to inform you na sa akin na titira ang asawa ko. Wala akong pakialam sa opinyon niyo. Maniwala kayo sa magaling kong pamangkin, go ahead… pero hindi ko hahayaan na saktan o kawawain niyo si Cassandra. She is the victim here, so stop blaming her. Kung naniniwala kayo sa manloloko niyang ex, go ahead…” sabi nito. “Hindi na babalik ang anak niyo rito,” huling sinabi nito bago matunog na ngumisi.

Hinila na ni Theo si Cassandra palabas ng bahay ng mga ito. Nang maisakay niya ito sa sasakyan at makasakay na rin siya, mabilis niyang niyakap ang asawa.

Hindi na napigilan ni Cassandra ang umiyak. She is strong. Sanay siyang maging malakas at mag-isa, pero this time ay may nagtanggol sa kanya, kaya hindi niya mapigilan ang paghagulgol. Sa pagkakataong ito ay may kakampi at kasama na siya, walang iba kundi ang kanyang asawa.