Chapter 5

Tahimik na nakahiga sa kama si Cassandra. Sa tabi niya ay ang asawa niyang si Theo na mahimbing na natutulog. Tatlong linggo na ang nakalipas mula nang ikasal sila. Marami agad ang nangyari at marami agad ang nakarinig ng balita. She can’t deny she finds peace with Theo, na kahit kakasimula pa lang nila at bago pa lang silang magkakilala ay kalmado at kumportable siya rito.

“Why are you staring at me?” Gulat na napaatras si Cassandra nang magsalita bigla ang natutulog na asawa. Sa gulat ay muntik na siyang mahulog sa kama, kundi lang siya mabilis na nasalo ni Theo. “Careful.”

“N-Nagising ba kita?” kabadong tanong ni Cassandra. “Sorry,” paumanhin niya.

Ngumisi naman si Theo. He smiled widely and pulled her in for a tight hug. “No. Bakit gising ka pa?”

“Hindi ako inaantok,” sagot niya. “Ang dami ko lang iniisip, sorry.”

“Like what?”

“Katulad na ano ang mangyayari pagkatapos nito. Alam na ng lahat. Kumalat na ang balita. Kinakabahan lang ako sa mga posibilidad pang mangyari,” paliwanag niya at bumuntong-hininga. “Ang dami kasing puwedeng mangyari.”

“Ano bang gusto mong mangyari?” seryosong tanong ni Theo. “Look, I know you are still overwhelmed pero, Darling… we are married. This is the start of everything. You can do what you want now.”

“Alam ko naman,” pagsang-ayon niya at pumikit. “Hayaan mo na, matulog na tayo,” yaya niya. Naramdaman niya naman ang mainit na labi ng asawa na dumampi sa kanyang noo. Hindi na siya nag-react at nanatili na lamang na nakapikit.

Kinabukasan ay may kanya-kanya silang lakad ang mag-asawa. Maaga pa lang ay nasa flower shop na pag-aari ni Cassandra, habang si Theo naman ay dumiretso sa kumpanya nito.

Mabilis na kumunot ang noo ni Cassandra nang bumukas ang pintuan ng flower shop. Nang mag-angat siya ng tingin ay halos malukot ang mukha niya nang makita kung sino iyon.

“Anong ginagawa mo rito?” inis niyang tanong. “Leon, what the hell are you doing here?”

“Can we talk, please?” nagmamakaawang sabi nito.

Inis na ngumisi si Cassandra. “For what?”

“About us…” malungkot ang tono nito. “I know I was wrong, Cass… I realized I love you more than her… please, let’s go back together…”

Natawa si Cassandra. “Hibang ka na ba? Hindi ba nakarating sa iyo ang balita na kasal na ako?”

“I know, but I love you…” Dahan-dahan itong lumapit sa kanya. Mabilis siyang umatras at masamang tiningnan si Leon. “And I know you still love me. Iniwan ko na si Veronica. Hindi ko siya mahal! Pinatulan ko lang siya para inisin si Theo!” paliwanag pa nito.

“Wala na akong pakialam sa iyo, Leon…” mariin niyang sabi. “Umalis ka na. Kasal na ako at hindi ko gagawin ang kasalanan na nagawa mo sa akin noon…”

Kitang-kita niya kung paano nag-iba ang emosyon ni Leon pagkatapos niyang sabihin iyon; mula sa malungkot ay napalitan iyon ng galit. “You think titigil ako?! Hindi ako papayag na maging masaya kayo ng tito ko! Really? Tito ko pa talaga?” galit itong tumawa. “Akala mo hahayaan ko kayo?” mariing nitong sabi at mabilis siyang nilapitan. Hinawakan siya nito sa braso, mariin at gigil. Kinabahan si Cassandra bigla. “You think papayagan kami ni, Veronica? Alam naming dalawa na mahal pa rin ni Theo si Veronica at alam kong mahal mo pa rin ako… gagawin naming lahat masira lang kayo… Don’t expect a happy ending here, Cass… dahil akin ka… sa akin ka uuwi…” huling sinabi nito.

Malakas siyang binitawan ni Leon at dali-dali siyang umalis sa boutique. Kinakabahan siya sa mga pinagsasabi nito, ngunit kailangan niyang tatagan ang loob, hindi lang para sa sarili kundi para na rin kay Theo, dahil ito na ang kanyang asawa. Ito na ang kailangang maging tanging lalaki sa buhay niya.